1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Bota

Konservatorët fitojnë zgjedhjet në Iran

Në zgjedhjet parlamentare në Iran, konservatorët rreth presidentit Mahmud Ahmadinexhad e përforcuan sipas medieve shtetërore pozicionin e tyre. Ata morën më shumë se 70% të votave.

Presidenti iranian Mahmoud Ahmadinejad duke dhënë votën, 14 mars 2008

Presidenti iranian Mahmoud Ahmadinejad duke dhënë votën, 14 mars 2008

Rreth 20% të votave i fitoi kampi reformator, dhe rreth 10% kandidatë të pavarur

BE i kritikoi zgjedhjet si jo të lira dhe jo të barabarta. Shumë kandidatë i kanë penguar të dalin në votime, theksoi presidenca sllovene e BE.

Edhe për katër vitet e ardhshme, shumicën në parlamentin e Iranit do ta kenë konservatorët. Pasi të shtunën ministria e brendshme bëri të ditur se në fshatra rreth 70% e zgjedhësve kishin votuar për të ashtuquajturit "besnikë ndaj parimeve"- me këtë mbahen parasysh lista e djathta të mbështetësve të Ahmadinexhadit si dhe të ish-negociatorit në negociatat e programit atomik, Larixhani, në Teheran kjo tendencë u thellua edhe më tej.

Sipas të dhënave të agjencisë zyrtare të lajmeve IRNA, 14 zonat elektorale të kryeqytetit, në të cilat një kandidat arriti të marrë edhe 50% të votave, u fituan gjithashtu nga konservatorët. Në 16 rajonet e tjera do të zhvillohet balotazh.

Me këtë u zhgënjyen shpresat e reformatorëve, të cilët mund të kishin arritur rezultate më të mira në Teheran, pas rezultatit të dobët në zonat fshatare. Zëdhënësi i tyre, Naseri, bëri të ditur se kampi i tij do të marrë gjithsej 102 nga 290 vendet në parlament dhe e quajti këtë një rezultat të respektueshëm. Deri tani, reformatorët kishin vetëm 47 deputetë.

Si BE, ashtu edhe SHBA i quajtën zgjedhjet jo të lira dhe të barabarta. Me të vërtetë, pati dy pika nevralgjike: nga njëra anë, këshilli i mbikqyrësve nuk u lejoi pjesëmarrjen në zgjedhje një numri katërshifror kandidatësh nga radhët e reformatorëve, duke i kufizuar dukshëm alternativat zgjedhore në dobi të establishmentit konservator besnik ndaj sistemit. Nga ana tjetër, kritikët pohojnë se nuk janë të sakta deklaratat për pjesëmarrjen në zgjedhje. Ministria e brendshme dhe një pjesë e madhe e mediave konservatore thonë se në votime shkuan rreth 60% e iranianëve. Kjo do të ishte e barabartë me një shtesë prej 10% në krahasim me zgjedhjet e kaluara. Por në numërimin e votave nuk u lejuan të marrin pjesë përfaqësues të kampit reformator. Dhe kjo e shton dyshimin për manipulime të mundshme.

  • Data 17.03.2008
  • Autor Ulrich Pick / Teheran (SWR)
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/DQHa
  • Data 17.03.2008
  • Autor Ulrich Pick / Teheran (SWR)
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/DQHa