1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Ballkani

Komisioni Europian: Kritika dhe vlerësime pozitive për ecurinë demokratike të Shqipërisë gjatë 2008-ës

Tragjedia e Gërdecit dhe transparenca e financimit të partive poltike, janë dy çështjet kryesore për të cilat Komisioni Europian i kërkon Shqipërisë të hetojë në mënyrë të gjithanshme.

default

KE në Bruksel

Në raportin vjetor të ecurisë demokratike të Shqipërisë KE thekson se "Shqipëria nuk ka bërë aq sa duhet në luftën kundër korrupsionit dhe krimit të organizuar. Përveç disa progreseve, lufta kundër korrupsionit dhe krimit të organizuar mbetet sfida më e madhe. KE konstaton se në Shqipëri mungon një strategji shumëplanëshe e luftës kundër korrupsionit i cili mbetet  "një nga problemet më serioze dhe më i shtriri." Një vend të posaçëm raporti i kushton luftës kundër korrupsionit në sistemin e gjyqësorit. "Shqipëria ka mungesë të një infrastrukture gjyqësore dhe të një reformë strategjike për sistemin e drejtësisë. Ajo ka nevojë të ndërmarrë përpjekje të mëdha për të vendosur një njëshërbim civil të pavarur dhe eficent."

Progres i kufizuar

Krahas këtyre konstatimeve frenuese të ecurisë demokratike gjatë vitit 2008 KE konstaton edhe progresin në fusha të caktuara. "Ka një progres të kufizuar në parandalimin e pastrimit të parave, dhe në luftën kundër trafikut të drogës,” shkruhet ne raport. "Shqipëria ka bërë gjithashtu progres në legjislacion, në polici me standardet europiane dhe në implementinin e marrëveshjes interim, sidoqoftë në fushën e drejtësisë, lirisë dhe sigurisë vendi ka bërë një progress “jo të barabartë”, gjë që kërkon një përmirësim tërësor," thekson raporti i KE për progresin demokratik të Shqipërisë në 2008-ën.

Liberalizimi i vizave mes Shqipërisë dhe BE është një çësshtje tjetër që preket në këtë raport. "Shqipëria po merr pjesë në dialogun mbi liberalizimin e regjimit të vizave, por ajo ende nuk ka arritur standardet e Bashkimit Europian lidhur me ndryshimin e regjimit te vizave. BE i rekomandon Shqipërisë të fillojë shpërndarjen e pasaportave biometrike" shkruhet në raport.

Komisioni Europian evidenton progresin e Shqipërisë edhe në demokratizimin e shoqërisë dhe kondsolidimin e shtetit të së drejtës por kritikon mungesën e dialogut mes partive politike.


  • Data 30.10.2008
  • Autor Arapi, Lindita
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/Fkfx
  • Data 30.10.2008
  • Autor Arapi, Lindita
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/Fkfx