1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Ballkani

Koalicioni qeverisës në Kosovë do të vazhdojë

PDK dhe LDK-së, gjatë gjith natës së shkuar kanë shqyrtuar mundësinë e prishtjes së koalicionit, por në fund vendosën që të vazhdojnë qeverisjen.

default

Shumë zhurmë për asgjë. PDK-ja, e cila vetëm disa orë më parë tha se do ta rishqyrtojë koalicionin me LDK-në, sapo njoftoi se do të vazhdojë koalicionin. Në një komunikatë të shkruar thuhet se kjo parti mbetet e përkushtuar për stabilitetin funksional të institucioneve qendrore të Republikës së Kosovës dhe procesin e shtetndërtimit. Partneriteti i koalicionit në nivel qendror mbetet i konsoliduar dhe i pacenueshëm e funsional, në pajtim me Kushtetutën dhe ligjet e Republikës së Kosovës.

PDK thuhet më tej do të vazhdojë përkushtimin në filozofinë e shtetndërtimit dhe unitetit në prag të rishqyrtimit të ligjshmërisë së pavarësisë së Kosovës në Gjykatën Ndërkombëtare të Drejtësisë.

Hashim Thaçi

Hashim Thaçi

Zgjidhet kriza disaorëshe

Në të njetën kohë përgjigjet edhe LDK-ja, e cila thotë se do të vazhdojë të angazhohet me përgjegjësi për funksionimin dhe zbatimin e obligimeve shtetërore që dalin nga partneriteti në nivel qendror, e që është e rëndësisë parësore për funksionimin e institucioneve qendrore shtetërore të Republikës së Kosovës, presidencës, parlamentit dhe qeverisë, në pajtim me kushtetutën dhe ligjin.

Shkak lidhja e LDK dhe AAK-së në qytetin e Prizrenit

E gjithë zhurma rreth mundësisë së prishjes së koalicionit ndodhi gjatë natës së shkuar dhe shkas u morr lidhja e një koalicioni në nivel lokal ndërmjet LDK dhe AAK-së, në qytetin e Prizrenit. PDK-ja, e cila udhëheq me qeverinë, konstatoi se LDK-ja nuk i është përmbajtur një marrëveshjeje që të dyja partitë të garojnë të vetme në raundin e dytë të zgjedhjeve lokale. Kjo ishte pse Hajredin Kuci, nënkryetar i PDK, tha se marrëveshja e koalicionit do të rishqyrtohet. “Ne kemi konstatuar shkelje të marrëveshjes që ka bërë LDK-ja që të dalim të vetme në zgjedhje lokale. Meqë LDK-ja nuk i është përmbajtur kësja marrëveshjeje ne kemi vendosur ta rishqyrtojmë apo riformnatizojmë koalicionin qeverisës në nivel qëndror”, thotë Hajredin Kuqi.

Prishtina

Prishtina

LDK e befasuar

Të befasuar nga ky qëndrim i PDK-së, u ndie LDK-ja. Ramë Manaj, nënkryetar i LDK-së njëherësh edhe zëvëndëskryeministër në qeverinë Thaçi, tha përmes telefonit, se për këtë vendim të partnerit të koalicionit është njoftuar shkurt me telefon nga kolegu i tij Hajredin Kuqi. ”Zëvendëskryeministri Kuqi më mori në telefon dhe ma tha një fjali të vetme: Kemi bërë koalicion me LDD-AKR, kaq. Të lutem e njofton Presidentin. Asgjë më shumë. Fillimisht unë mendoja se është fjala për koalicionin nëpër komuna, por në të vërtetë duket që Partia Demokratike e Kosovës e ka marrë këtë vendim me strukturat e veta", thotë Ramë Manaj.

Aleanca Kosova e Re që drejtohet nga Behxhet Pacolli dhe Lidhja Demokratike e Dardanisë, që drejtohet nga Nexhat Daci, nuk dinin asgjë dhe ata thanë se vetëm nga mediat kanë dëgjuar për mundësinë e prishjes së koalicionit.

Pas disa ditësh Haga merret me akuzën e Serbisë

Mundësitë për lëkundje në koalicionin qeverisës janë diskutuar edhe gjatë fushatës elektorale për zgjedhjet e 15 nëntorit, e cila u shoqërua nga një gjuhë e ashpër ndërmjet partnerëve të koalicionit qeverisës me kreministër Hashim Thaçin.

Hashim Thaçi u bë kryeministër i Kosovës pas zgjedhjeve të përgjithshme të nëntorit të vitit 2007 kur partia e tij doli e para duke lënë në vendin e dytë Lidhjen Demokratike të Kosovës. Në janar të vitit 2008, dy partitë më të mëdha, rivale të vjetra, arritën marrëveshjen e koalicionit. Një muaj më vonë më 17 shkurt të vitit 2008 Kosova shpalli pavarësinë, e cila është njohur nga 63 vende të botës, dhe kundërshtohet ashpër nga Serbia, e cila ka kërkuar që Gjykata Ndërkombëtare e Drejtësisë të japë një opinion mbi ligjshmërinë e saj.

Autor : Bekim Shehu

Redaktoi : Aida Cama

  • Data 20.11.2009
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/KbmX
  • Data 20.11.2009
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/KbmX