1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Evropa

Kisha kundër dëbimit të romëve nga Franca

Dëbimi masiv i romëve nga Franca ka shkaktuar reagimin edhe të kishës. Pas kërkesës së Papa Benediktit XVI për më shumë tolerancë, gatishmëri për bisedime. Kritika të ashpra kundër presidentit Sarkozy.

default

Dëbime masive

Besimtarët nuk u besonin veshëve të tyre kur menjëherë pas një meshe në sheshin e Kishës, prifti i tyre mbajti një lutje tjetër para kamerave televizive. „Sinqerisht, dhe për këtë kërkoj falje, lutem që zoti Sarkozy të përjetojë një infarkt në zemër", tha ai.

Prifti pendohet për fjalët e rënda

Sarkozy të raftë pika?

"Sarkozy të raftë pika?"

Fotografitë e 71 vjeçarit Arthur Hervet, me flokë të thinjura dhe sy të kaltër si qielli, sot mund të shihen në të gjitha gazetat. Për lutjen e tij për infarktin e presidentit ai ka kërkuar ndërkohë falje me fjalët: "Kam menduar që Zoti duhet t'ia zbusë zemrën Sarkozy-s". Kjo sepse për një prift që punon në Lille ku ka probleme të shumta sociale dhe i cili kujdeset për minoritetet, dëbimi masiv i romëve paraqet një problem shumë serioz.

Sarkozy i harron premtimet dhënë papës!

„Kur një vend ka probleme, duhet gjetur edhe përgjegjësi. Prandaj, qeveria tha: romët janë fajtorë. Fronti i djathtë ekstrem po feston, ndërsa romët kanë përjetuar një fat të keq", pohon ai.

Pakënaqësitë e kishës janë edhe më të mëdha, sepse pikërisht Sarkozy, si presidenti i parë i Republikës së pestë, ka paralajmëruar më shumë mirëkuptim për kishën. „Laicizmi pozitiv, laicizmi i hapur, për ne nënkupton thirrje për dialog, tolerancë dhe respekt", tha Sarkozy para dy vitesh, me rastin e vizitës së Papa Benediktit XVI në Paris. Papa nuk i ka harruar këto fjalë. Në rastet e ngjashme ai flet italisht apo anglisht, por kësaj radhe foli në frëngjisht.

Benedikt schweigt zu Missbrauchsfällen in Deutschland

Papa kritikon

„Teksti i liturgjisë na kujton kërkesën për njohjen e të gjithë njerëzve. Kjo është një thirrrje për njohjen e ndryshimeve legjitime dhe bashkimin e të gjithë njerëzve dhe gjuhëve", theksoi papa.

Ministri e kupton mesazhin

Në Francë, ku është zbuluar diplomacia, ishte menjëherë e qartë që papa foli për dëbimin e romëve. Ministri i Brendshëm Brice Hortefeux i ka kuptuar seriozisht paralajmërimet e Vatikanit, sepse votat e të krishterëve janë për konservatorët të rëndësishme. Ai tha se do të takohet me kardinalin francez André Vingt-Trois, për t'ia shpjeguar politikën e dëbimeve. Kardinali e ka pranuar këtë takim, por ministri shfrytëzoi këtë rast për të sulmuar të tjerët. „Jam pak i befasuar nga egoizmi i pashembullt dhe fjalët e mëdha. Po proteston një pjesë e vogël e Parisit, e cila nuk ka ofruar asgjë për sistemimin e romëve në fqinjësinë e vet", u shpreh ministri.

Debimi i romëve mund të kushtojë humbjen e zgjedhjeve

Por nëse me të vërtetë është fjala për një grup të vogël njerëzish, të cilëve po u jepet hapësirë tepër e madhe në media, ende nuk është e qartë. Gazeta „Libération" ka botuar një sondazh në të cilin thuhet se 55 për qind e francezëve janë të mendimit që në zgjedhjet e vitit 2012 duhet të fitojë një socialist. Me këtë Sarkozy do të futej në harresë.

Autor: Christoph Wöß/Bahri Cani

Redaktoi: Lindita Arapi

  • Data 24.08.2010
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/OuKv
  • Data 24.08.2010
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/OuKv