1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Bota

Kina kërkon të anulohet kalimi i flakës olimpike në tokën tibetiane

Qeveria kineze ka dënuar protestat masive gjatë maratonës së flakës olimpike duke i cilësuar ato injorim të shpirtit të lojërave olimpike.

Flaka olimpike në Pekin 31 mars, 2008

Flaka olimpike në Pekin 31 mars, 2008

Ministria e jashtme në Pekin nguli gjithashtu këmbë se flaka olimpike nuk u shua gjatë protestave në Paris. Informacionet e medieve që flasin për këtë version janë të rreme, deklaroi zëdhënësi i ministrisë Jiang Yu. Vetëm rrethanat e maratonës janë ndryshuar përkohësisht, shtoi Yu. Demonstruesit në Paris dhe Londër nuk kanë respekt për ligjet e këtyre vendeve, thuhet në deklaratën e minsitrisë kineze të punëve të jashtëme. Dje në Paris aktivistët për Tibetin me protestat e tyre shkaktuan ndërprerjen e përkohshme të maratonës së pishtarit olimpik megjithë praninë e rreth 3.000 policëve francezë. Flaka olimpike u shua disa herë nga policia. Presidenti i tibetianëve në Paris Thupten Gyatso u shpreh dje:

"Ne kërkojmë me vendosmëri që të anulohet kalimi i flakës olimpike në tokën tibetiane. Me anë të saj Kina synon të legjitimizojë pushtimin e Tibetit. Kina nuk duhet të lejohet të instrumentalizojë lojërat olimpike për qëllime politike. Tibeti duhet të hiqet nga itinerari i flakës olimpike"

Stacioni i ardhshëm i flakës olimpike është San Francisco. Atje protestat i kanë paraprirë mbërritjes së pishtarit olimpik. Demonstrues janë ngjitur në urën e njohur "Golden Gate Bridge" dhe shpalosën atje një pankartë të madhe ku shkruhej "Tibeti i lirë 2008".

  • Data 08.04.2008
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/De8C
  • Data 08.04.2008
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/De8C