1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Bota

Katër të arrestuar për spiunazh në SHBA

Për shkak të dyshimit të spiunazhit për Kinën, në SHBA janë arrestuar katër vetë.

default

Siç bëri të ditur në Uashington zëvendësministri i drejtësisë i SHBA, Keneth Wainstein, në një rast bëhet fjalë për një ish-inxhinjer të Boingut, i cili mendohet se ka vjedhur sekrete tregtare të ndërtuesit amerikan të avionëve dhe i ka përcjellë këto në Kinë.
Veç kësaj, sipas të dhënave, u arrestuan edhe dy vetë të tjerë në Nju Orlins dhe një tjetër në Aleksandri, të shtetit federal Virxhinia. Ata dyshohet se i kanë përcjellë Kinës dokumente të Ministrisë Amerikane të Mbrojtjes. Zëvendësministri i drejtësisë i SHBA, Keneth Wainstein: "Rreth orës 7 të mëngjesit në Aleksandri, Virxhinia dhe Nju Orlins, agjentë të FBI-së së Luizianës arrestuan tre persona, duke përfshirë edhe një analist të politikës së armëve të Departamentit të Mbrojtjes dhe i ngarkoi ata me akuzën e konspiracionit, për të komunikuar informacione të mbrojtjes kombëtare, marrësi i fundit i të cilave ishte Republika Popullore e Kinës. Po rreth orës 7 të mëngjesit, po sipas orës së Kalifornisë, agjentë të FBI-së në Orange County të Kalifornisë arrestuan një person, në inxhinjer të aeronautikës, i cili kishte punuar te Rokwell International dhe te kompania Boing, dhe e ngarkoi atë me akuzën e vjedhjes së sekreteve tregtare nga këto kompani, sërish në dobi të RP të Kinës."
Zëvendësministri i drejtësisë i SHBA, Wainstein ritheksoi më tej vlerësimin e përgjithshëm të autoriteteve amerikane për natyrën dhe shkallën e spiunazhit të ndërmarrë nga RP e Kinës: "Siç konfirmoi në shtator të vitit të kaluar drejtori i shërbimit informativ kombëtar, shërbimi i zbulimit i Kinës bën pjesë në më agresivët në mbledhjen e të dhënave për sisteme, institucione dhe projekte zhvillimi të natyrës delikate dhe të mbrojtura të SHBA. Përpjekjet e tyre po u afrohen niveleve të kohës së luftës së ftohtë."
  • Data 12.02.2008
  • Autor PA/ Sky News
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/D6cp
  • Data 12.02.2008
  • Autor PA/ Sky News
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/D6cp