1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Bota

Kameramani i Al Xhazirës vritet "me qëllim" në Libi

Një kameraman i stacionit televiziv të lajmeve Al Xhazira u vra të shtunën në afërsi të qytetit port të Libisë, Bengasi. Radiostacioni foli për një sulm të qëllimshëm kundër një bashkëpunëtori të tij nga regjimi Gadafi.

Demonstrantë kërkojnë zonë ndalim fluturimi

Demonstrues kërkojnë zonë ndalim fluturimi

Lexuesi i lajmeve të Kanalit Televiziv Al Xhazira nuk i fshihte dot më ndjenjat e tij, kur bëri të ditur vdekjen e kolegut të tij, Ali Hassan al Xhaber: "Nga një pritë u sulmua ekipi ynë në zonën Havari, në jugperëndim të Bengasit. Ali Hasan al-Xhaber është me origjinë nga Katari. Ai lindi në vitin 1955, mbaroi maturën dhe përfundoi studimet në fakultetin e Filmit dhe të Kinemasë në Akademinë e Artit në Kairo. Zot, ki mëshirë për të vdekurin e Al Xhazirës."

I pari gazetar i huaj që humb jetën

Në orët e para të mëngjesit (13.3.) në Bengasi u krye një ceremoni përkujtimore për kameramanin. Me një pjesëmarrje të madhe të popullit, trupi i tij pa jetë u mbajt nëpër qytet. Që prej Egjiptit ai do të dërgohet në atdheun e tij në Katar dhe atje do të varroset.

Al Dschasira in Katar Redaktion in Doha Sendung auf Englisch

Pamje nga redaksia e televizionit në anglisht

Al Xhaberi është i pari gazetar i huaj që humb jetën që prej fillimit të revolucionit në Libi. Sipas informacioneve të dëshmitarëve, atë e vranë në mënyrë të qëllimshme, kur ishte nisur në një demonstratë anti-Gaddaffi në afërsi të Bengasit, për të xhiruar atje. Kolegët e tij thanë se kishte disa kohë që kishin ndjesinë se i vëzhgonin dhe i përndiqnin. Gadaffi e akuzon Al Xhazirën se e nxit kryengritjen kundër regjimit të tij. Prandaj sinjali i transmetimit të kanalit televiziv të Katarit zhurmohet në Libi. Ky program mund të shihet vetëm me vështirësi ose nuk shihet dot fare.

Saif al Gaddafi shan arabët

Regjimi i Gaddafit është i zemëruar edhe me Ligën Arabe. Të shtunën (12.3.) ajo vendosi njëzëri për ngritjen e një zone të ndalim-fluturimit mbi Libi dhe i kërkoi Këshillit të Sigurimit të OKB-së që të miratonte një rezolutë të tillë. Saif al Islam Gaddafi, djali i diktatorit, u tregua në televizion pak i impresionuar nga vendimi i Ligës Arabe dhe i shau shtetet arabe në mënyrën e tij tashmë të njohur: "Me përjashtim të vëllezërve tanë, që na mbështetën, unë u bëj menderin arabëve, Ligës arabe dhe medieve të tyre."

Libyen Gaddafi-Sohn Saif al-Islam al-Gaddafi Bulgarinnen wurden in Libyen gefoltert

Djali i Gaddafit, Saif

Kryengritësit në Libinë Lindore po luftojnë ndërkohë me shpatulla pas muri. Televizioni libian njoftoi se trupat qeveritare patën marrë qytetin Brega dhe po i afroheshin qytetit Ajdabya. Ky qytet ndodhet në një kryqëzim të rëndësishëm. Që këtu rruga vazhdon drejt portit të naftës Tobruk në pikën më verilindore të vendit.

Autor: Bettina Marx/Auron Dodi

Redaktoi: Lindita Arapi

  • Data 14.03.2011
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/10YZF
  • Data 14.03.2011
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/10YZF