Këlni ″u preu rrugën″ të djathtëve - Dëshmohet tradita e tolerancës | Gjermania | DW | 22.09.2008
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Gjermania

Këlni "u preu rrugën" të djathtëve - Dëshmohet tradita e tolerancës

Lëvizja populiste e djathtë „Pro-Köln“ mori të shtunën, më 20 shtator një goditje të rëndë kudër planeve të saj për zhvillimin e një kongresi kundër islamizimit. Forcat demokratike fituan ndaj mungesës së tolerancës.

Forca policie duke ruajtur aktivitetin antislamik në Këln

Forca policie duke ruajtur aktivitetin antislamik në Këln

Këlni "u pret rrugën të djathtëve", thuhet në parrullat që penguan mbajtjen e kongresit kundër islamizimit, të planifkuar për t'u organizuar nga lëvizja populiste e djathtë „Pro-Köln“. Të djathtët, ndër të cilët neonazistë dhe shokë të tjërë të një ideali nga vendet e tjera evropiane, nuk kishin asnjë shanc të përballonin protestat masive të dhjetra mijëra qytetarëve.

Keqardhjen për këtë ata nuk e kanë merituar. Ata i bënë vetë gropën vetes, ajo që ata e kishin njoftuar si "kongres", kishte në fakt qëllime krejt të tjera. Çështja e fryrë prej tyre deri në fantazmë, për islamizimin që po përhapet duhet të shërbente për mbledhjen në Këln të gjithë të djathtëve nga vendet evropiane dhe prezantimin e tyre si alternativë për klasën aktuale politike. Kjo përpjekje dështoi që në përgatitje. Disa nga të ftuarit e shquar nga vendet e tjera evropiane, si për shembull Le Peni i Francës, nuk pranuan të vinin. Pastaj loja me policinë dhe kundërdemostruesit si lojë e "maces me miun" dështoi me pasoja të turpshme për të djathtët. Atyre ju desh të qëndronin për orë të tëra në një anije, sepse nuk u lejuan të zbrisnin në tokë, pastaj autobusët dhe taksitë refuzuan t`i transportonin ata, hotelet nuk u dhanë dhoma dhe ata që erdhën me aeroplan nuk mundën të lëviznin nga aeroporti për në qytet.

Por gabimi më i madh i të djathtëve ishte se ata e harruan diskutimin e hapur muajt e fundit për ndërtimin e një xhamije të re. Për disa orë u harruan edhe deficitet që vazhdojnë të ekzistojnë për temën e integrimit.

Kryetarit të Bashkisë, Shrama, i cili u ngrit kundër fraksionit të CDU-së për ndërtimin e xhamisë, ju desh të kujtohej se për temën e integrimit ka ende për të bërë. Kërkush nga ata që e njohin gjendjen, nuk e vë këtë në diskutim. Por demostratat e fundjavës në Këln treguan se megjithë pikëpamjet e ndryshme, kur bëht fjalë për tu mbrojtur nga nxitjet raciste ekziston solidaritet. Solidariteti i demostruar në Këln nxit tani integrimin e disa myslimanëve, që tani jo vetëm e ndjejnë veten të sigurt në këtë qytet, por janë madje ndihen krenarë të jetojnë aty. Këlni dëshmoi edhe një herë se ka histori të gjatë tolerance.

  • Data 22.09.2008
  • Autor Peter Filip
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/FMlP
  • Data 22.09.2008
  • Autor Peter Filip
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/FMlP