1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Bota

Junta birmaneze detyron refugjatët të lënë strehimoret shtetërore dhe të rikthehen në shtëpitë e tyre të shkatërruara

OKB-ja u bën thirrje ushtarakëve në Birmani t'i japin fund dëbimit të refugjatëve nga strehimoret e emergjencës. UNICEF-i starton në Birmani aksionin „Sërish në Shkollë".

Një kamp ngritur për të pastrehët nga cikloni Nargis

Një kamp ngritur për të pastrehët nga cikloni Nargis

Sipas njoftimeve të mediave mijëra njerëz që ishin larguar nga zonat e prekura nga cikloni dhe ishin vendosur në rrethinat e Rangunit u detyruan të largohen prej strehimoreve shtetërore dhe të rikthehen në shtëpitë e tyre të shkatërruara. Vetëm në provincën e Kyauktanit, në afërsi të Rangunit, u shpërbënë 39 strehimore emergjence të ngritura nga shteti. Banorëve iu dhanë disa drunj bambuje dhe materiale të tjera ndërtimi për të riparuar shtëpitë e tyre. Sipas të dhënave të UNICEF-it trupat e ushtrisë shpërndanë dy kampe të mëdha refugjatësh në Labuta dhe Bogalai. Junta synon me këto hapa kthimin në normalitet, shkruante gazeta tajlandeze

„Bangkok Post." Një punonjës i qeverisë citohej me fjalët, se të prekurit janë më të sigurt në shtëpitë e tyre, se sa nëpër kampe refugjatësh, ku presin ndihma.

Organizata e të drejtave të njeriut Human Rights Watch u bëri thirrje ushtarakëve në Birmani t'i japin fund dëbimit të refugjatëve nga strehimet e emergjencës.

Edhe OKB-ja kërkoi që kthimi i të prekurve në fshatrat e shkatërruara krejtësisht të mos bëhet i nxituar, sepse organizatat e ndihmave humanitare do ta kenë edhe më të vështirë që të depërtojnë në këto zona për t'u ardhur në ndihmë:

Anapame Rao Singh, punonjëse e UNICEF-it në Bangkok tha: „Për ndihmësat ndërkombëtarë ata do të jetë praktikisht të padukshëm dhe nuk mund të arrihen lehtë. Kjo mund të çojë shpejt në përhapjen e një vale të re sëmundjesh dhe në një katastrofë tjetër."

OKB-ja mendon se deri tani prej ndihmave ka përfituar vetëm 41% e banorëve në zonat e prekura nga katastrofa. Edhe pse në zonën e deltës së Irravadit po lejohet të depertojnë gjithnjë e më tepër punonjës të organizatave humanitare ndërkombëtare, pengesat burokratike vazhdojnë të jenë të shumta.

UNICEF-i ka filluar ndërkohë një aksion për rindërtimin e shkollave të dëmtuara në Birmani. Prej ciklonit Nargis mendohet se janë shkatërruar rreth 4000 shkolla fillore që do të thotë se rreth 1 milionë fëmijë nuk kanë mundësi që të shkojnë një herë për një herë në shkollë. Për aksionin „Sërish në Shkollë" UNICEF-i deklaroi se për gjashtë muajt e ardhshëm i nevojiten rreth gjashtë milionë euro.

  • Data 31.05.2008
  • Autor Bernd Musch-Borowska
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/EASZ
  • Data 31.05.2008
  • Autor Bernd Musch-Borowska
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/EASZ