1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Evropa

Italinë e kërcënon pas zgjedhjeve bllokada politike

Pas zgjedhjeve parlamentare Italia kërcënohet nga paraliza politike: aleanca e qendrës së majtë e kryesuar nga Bersani mori vërtet shumicën në dhomën e deputetëve, por në Senat situata është e bllokuar.

Members of Italian Senate clap to welcome newly elected senator for life Mario Monti at the beginning of a voting session on economic reform measures demanded by the European Union, that should pave the way for Premier Silvio Berlusconi to leave office in a matter of days, at the Senate in Rome, Friday, Nov. 11, 2011. The prospect of a transitional government headed by respected non-partisan economist Mario Monti calmed markets for a second day, with Italy's 10-year borrowing rate down a further 0.21 percentage point to 6.59 percent. Shares were buoyant too, with the Milan stock index was up 1.7 percent in early trading at 15,477. (Foto:Pier Paolo Cito/AP/dapd)

Zgjedhjet parlamentare në Itali, të shpallura nga vetë italianët si përcaktuese për fatin e vendit, vazhdojnë të mbajnë në tension. Fituesi dhe humbësi i madh u bënë shpejt të qartë pas votimit. Por ende është e hapur pyetja se kush do të qeverisë në Romë.

Kampi i Bersanit siguron shumicën në dhomën e deputetëve

Ministria e Brendshme në Romë bëri të ditur se pas numërimit të të gjitha votave, aleanca e kryesuar nga Pier Luigi Bersani i Partisë Demokratike, ka marrë 29,54 për qind të votave. Aleanca e qendrës së djathtë e ish-kryeministrit Silvio Berlusconi ka marrë 29,18 për qind. Sipas së drejtës elektorale italiane, listës me shumicën e votave i jepet automatikisht edhe shumica absolute. Kështu megjithë rezultatin e ngushtë, aleanca e majtë merr 340 nga 630 vendet në dhomën e ulët të parlamentit.

Por një qeveri e qëndrueshme mund të ngrihet vetëm nëse një aleancë partishë merr shumicën në të dy dhomat. Në dhomën e dytë të parlamentit, Senat, asnjë prej kampeve nuk arriti shumicën e nevojshme prej 158 vendesh. Aleanca e Bersanit mori atje 113 vende, pasuar nga kampi i Berlusconit me 116 vende. Partneri i mundshmën në koalicion i Bersanit, kryeministri në largim Mario Monti, me 19 mandatet e tij nuk mund të sigurojë një shumicë të qartë. Koalicioni i profesorit të ekonomisë, pa përkatësi partiake, shënoi rezultat të dobët edhe në dhomën e deputetëve. I respektuar jashtë vendit për reformat e tij, të cilat në Itali kanë sjellë një ngushticë akute financiare, Monti u fajësua nga bashkëqytetarët për situatën e vështirë si pasojë e kursimeve masive.

Five Star Movement leader and comedian Beppe Grillo and his wife Parvin Tadjik arrive to cast their votes at the polling station in Genoa February 25, 2013. Italians began voting on Sunday in one of the most closely watched elections in years, with markets nervous about whether it can produce a strong government to pull Italy out of recession and help resolve the euro zone debt crisis. REUTERS/Giorgio Perottino (ITALY - Tags: POLITICS ELECTIONS)

Beppe Grillo

Fitimtari i vërtetë

Fitimtari i vërtetë i këtyre zgjedhjeve është megjithatë ish-humoristi Beppe Grillo, i cili me lëvizjen e tij të protestës Pesë Yjet, arriti të marrë 25 për qind të votave. Opinoni për Grillon dhe lëvizjen e tij është i ndarë: përkrahës vijnë kryesisht nga radhët e të rinjve.

Grillo ka përjashtuar sidoqoftë paraprakisht aleanca të mundshme me partitë e etabluara. Kështu qeverisja në Itali e madje edhe krijimi i një qeverie duket se do të jenë të vështira.

Zgjedhje të reja?

Për ekonominë e tretë më të madhe të eurozonës dhe të gjithë BE-së, në zgjedhjet e parakohshme parlamentare u vu shumë në lojë. Vendimtare është se sa shpejt do të krijohet një qeveri e qëndrueshme në vendin e zhytur në recesion të thellë. Mediet në Itali reaguan me indinjatë pas shpalljes së rezultatit të zgjedhjeve: "Corriere della Sera" foli për "zgjedhje tronditëse", të cilat do të kenë si pasojë bllokimin e parlamentit. "La Repubblica" mendon se qeverisja është e pamundur. Me maxhoranca të ndryshme në të dy dhomat nuk është i mundur krijimi i asnjë qeverie, u shpreh edhe Stefano Fassina nga Partia Demokratike e Bersanit. Disa kolegë partie të Bersanit spekulojnë madje që tani për mundësinë e zgjedhjeve të reja, pas një reforme të ligjit të komplikuar elektoral. Kryeministri në largim Mario Monti, bëri thirrje të mos vihen në lojë "sakrificat e deritanishme të popullit italian".