1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Ballkani

Hap pozitiv i Maqedonisë drejt Bashkimit Evropian

Demarkacioni i vijës kufitare midis Maqedonisë dhe Kosovës si dhe vendosja e marrëdhënieve diplomatike midis dy vendeve shënon hap pozitiv për Maqedoninë drejt integrimit në BE.

Hapa pozitivë për Maqedoninë drejt integrimit në BE.

Hapa pozitivë për Maqedoninë drejt integrimit në BE.

“Akti i vendosjes së marrëdhënieve diplomatike midis Maqedonisë dhe Kosovës është përgjigja më e mirë për oponentët tanë, për t`i treguar si bëhet politikë shtetërore e përgjegjshme, konstruktive dhe me përkushtim. Ranë në ujë të gjitha akuzat dhe shpifjet e oponentëve tanë politik dhe u dëshmua në praktikë kapaciteti politik, fuqia në vendimmarje dhe vendosshmëria për të çuar përpara proceset që janë me rendësi për vendin,” vlerëson Ermira Mehmeti-Devaja nga BDI.

Mesazhi më kryesor pas marrjes së rekomandimit të Komisionit Evropian për fillimin e bisedimeve për antarësim të Maqedonisë në Bashkimin Evropian s'do mend se ka të bëjë me apelin e Brukselit drejtuar Shkupit për domosdoshmërin e zgjidhjes së çështjes së emrit me Greqin. Ambasadori i BE-s në Maqedoni Ervan Fuere ka theksuar faktin se edhe pse Maqedonia ka marrë rekomandim nga KE, vendimi për fillimin e bisedimeve duhet të merret me konsensus nga Këshilli ministror. Zgjidhja e çështjes së emrit para mbajtjes së mbledhjes se Këshillit ministror do të ishte frytdhënëse për Maqedoninë, nëse ajo dëshiron të marrë datën për fillimin e bisedimeve për anëtarsim në BE, vlerëson Fuere.

Shkupi

Pa zgjidhjen e çështjes së emrit, Maqedonisë i kanoset vetoja e dytë nga shteti grek.

Analisti politik Sllobodan Çashule vlerëson se vetë fakti që Fuere ka precizuar afat kohor për zgjidhjen e çështjes së emrit, zgjidhja tashmë është përgatitur vetëm se pritet moment adekuat për ta shpalosur. “Jam i bindur se zgjidhja e emrit është gati. Qarqet e mirëinformuara diplomatike na bëjnë të ditur se referenca Ish Republika Jugosllave e Maqedonisë do të zëvendësohet me emrin Republika Veriore e Maqedonisë,” thotë Çashule.

Autoritetet më të larta të shtetit kanë theksuar disa herë gatishmërinë për gjetjen e një zgjidhjeje të pranueshme për të dyja vendet, por deri më tani bisedimet që po zhvillohen nën patronazhin e OKB-s nuk kanë dhënë rezultate konkrete. Pa zgjidhjen e çështjes së emrit, Maqedonisë i kanoset vetoja e dytë nga shteti grek, pas asaj të Bukureshtit kur Maqedonia nuk mori ftesë për antarësim në NATO.

Profesori i marrëdhënieve ndërkombëtare Denko Malevski, është skeptik se çështja e emrit do të mund të zgjidhet gjatë dy muajve të ardhshëm. Sipas tij, retorika e politikanëve maqedonas është e njejtë sikurse para samitit të NATO-s në Bukuresht. Zgjidhja e problemit i lihet sërish ndërkombëtarëve. ‘Kjo retorikë do të vazhdojë deri në dhjetor, dhe më pas do të presim të shohim se çka do të ndërmarrë Greqia, a do të lëshoj pe para trysnive ndërkombëtare apo do të përdorë veton. Unë vlerësoj se do të ndodhë kjo e fundit,” thotë Denko Malevski.

Flamuri i Kosovës dhe ai i Maqedonisë

Midis Kosovës dhe Maqedonisë vendosen marrëdhëniet diplomatike.

Opozita maqedonase është shprehur e gatshme për arritjen e një konsensusi të brendshëm politik për zgjidhjen e çështjes së emrit, mirëpo sipas tyre mungon oferta nga pushtetarët. “Askush nuk ka biseduar me ne, nuk jemi informuar se në çfarë drejtimi janë duke u zhvilluar negociatat për emrin. Vendimi për këtë qëndron në duart e kryeministrit Gruevski dhe partisë së tijë VMRO-DPMNE. Ne jemi të gatshëm të kontribuojmë për pozicionet e shtetit lidhur me çështjen e emrit,“ thotë deputeti i opozitës Andrej Petrov.

Autor : Fatos Musliu

Redaktoi : Aida Cama

  • Data 19.10.2009
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/KANN
  • Data 19.10.2009
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/KANN