1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Evropa

Greqia kërkon më shumë kohë

Brukseli është duke pritur për raportin e trojkës së Komisionit të BE-së, Bankës Qendrore Evropiane (BQE) dhe Fondit Monetar Ndërkombëtar (FMN) për Greqinë. Por kjo e ndërpreu përkohësisht punën e saj. Sinjal alarmi?

Data e prezantimit të raportit po shtyhet vazhdimisht. Sipas Komisionit, pauza nuk ka asnjë kuptim politik. Gjithsesi sipas revistës "Der Spiegel" Greqisë i mungojnë rreth 20 miliardë euro. Kjo do të ishte pothuajse dy herë më shumë nga sa mendohej deri tani. Madje edhe paketa e re greke e kursimeve prej 11,5 miliardë € nuk është vendosur ende përfundimisht, sepse tri partitë në koalicionin qeverisës nuk kanë mundur ende të bien dakord. Donatorët ndërkombëtarë duan ta paguajnë këstin e ardhshëm të paketës së dytë të ndihmës për Greqinë, vetëm nëse qeveria në Athinë mbyll vrimën e financimit.

Barrë për taksapaguesit

Greece's Prime Minister Antonis Samaras attends the opening of an international trade fair in the northern port city of Thessaloniki, Saturday, Sept. 8, 2012. Greece, in the grip of a severe recession for the fifth straight year, is still struggling to avoid bankruptcy by imposing harsh austerity measures, including wage and pension cuts. Unemployment has soared to nearly a quarter of the workforce. (Foto:Nikolas Giakoumidis/AP/dapd)

Antonis Samaras

Kryeministri grek Antonis Samaras ka kërkuar në mënyrë të përsëritur një zgjatje prej dy vitesh të periudhës së shlyerjes së parave të ndihmave. Ai nuk do më shumë para, tha ai në Berlin. Por një shtyrje ka të ngjarë që të përbëjë më shumë para. Sipas "Der Spiegel" Samaras dëshiron tani që nga një pjesë e borxhit të heqin dorë edhe huadhënësit zyrtarë të kredive. Kreditorët privatë kanë hequr dorë në pranverë prej më shumë se 100 miliardë dollarësh.

FMN mund të heqë dorë

Der Vorsitzende der CSU-Europagruppe, Markus Ferber, spricht am Montag (12.09.2011) vor Beginn der CSU-Vorstandssitzung in München (Oberbayern) zu Pressevertretern. Foto: Frank Leonhardt dpa/lby

Markus Ferber

Markus Ferber, shefi i grupit CSU në Parlamentit Evropian dëshiron gjithashtu të presë raportin e trojkës. Në një intervistë me radion Deutschlandfunk ai tha të hënën (24.09.2012) se "nuk e di ku akoma mund të bëhen më shumë shkurtime pa konstatuar afëtësinë e Greqisë për të paguar. Qëllimi i masave të shpëtimit ishte për ta kthyer Greqinë tek tregjet financiare, dhe jo për ta larguar Greqinë përgjithmonë nga tregjet financiare."

Megjithatë nëse do të jenë të nevojshme më shumë para, FMN-ja nuk do të marrë pjesë në asnjë mënyrë në ndihmat e mëtejshme. Përfaqësuesi grek i FMN Thanos Kacambas i tha gazetës greke "Kathimerini" se FMN i ka "shteruar mundësitë e saj." Ai këshilloi një heqje dorë nga ndihmat e Bankës Qendrore Evropiane, e cila është një kreditor publik, sepse në fund e gjitha do të përfundojë mbi tatimpaguesit.

Qeveria gjermane përpiqet të qetësojë

Sipas "Der Spiegel" shtetet e eurozonës mendojnë që ta shfuqizojnë kufirin e përgjegjësisë së fondit të shpëtimit prej 500 miliardë eurosh, si është deri tani, duke e katërfishuar atë. Në rast se për ndihmë do të kenë nevojë edhe Spanja apo madje Italia, kapacitetet e deritanishme mund të shterrojnë shpejt.

Zëdhënësi i Komisionit të BE-së Olivier Bailly konfirmoi të hënën (24.09.2012), të paktën se: "Shtetet anëtare dhe ne po diskutojmë mundësinë e instrumenteve financiare, të cilat vlejnë sot për EFSF (European Financial Stability Facility) për t'i përdorur edhe për ESM (European Stability Mechanism)."

Martin Kotthaus, zëdhënës i Ministrisë gjermane të Financave tha se katërfishimi i shumës së përgjegjësisë të detyrimit është "krejtësisht joreal". Në çdo rast duhet që Bundestagu të miratojë një ngritje të mundshme të kësaj shume dhe se pjesa gjermane e detyrimit të përgjithshëm mbetet e njëjtë. Fondi i ri i përhershëm i shpëtimit të euros ESM do të themelohet zyrtarisht në një takim të ministrave të Financave të vendeve të eurozonës më 8 tetor në Luksemburg.

  • Data 25.09.2012
  • Autor Christoph Hasselbach / Pandeli Pani
  • Fjalët kyç BE, Greqi, ESM, EFSF
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/16DUq
  • Data 25.09.2012
  • Autor Christoph Hasselbach / Pandeli Pani
  • Fjalët kyç BE, Greqi, ESM, EFSF
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/16DUq