1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Gjermania

Gjermania miraton paketën koniunkturore nr. 2

Pasojat e krizës financiare ende nuk mund të vlerësohen deri në fund, por Gjermania sikundër edhe vende të tjera, është e vendosur të mbështesë ekonominë dhe të evitojë më të keqen.

default

Pamje simbolike e krizës ekonomike që ka prekur edhe Gjermaninë

Të hënën në mbrëmje u miratua në Berlin paketa e dytë ekonomike. Miratimi në Bundestag është i sigurt, por paketa duhet të miratohet edhe prej disa landeve në Këshillin Federal. Paketa ekonomike do të kapë shifrën prej rreth 50 milionë eurosh. Pjesa më e madhe e këtyre fondeve do të shkojë në programet për investime: 18 miliardë euro do të investohen për përmirësimin e rrjetit të telekomunikacionit, për të shtuar kabllo të reja. Fonde do të jepen edhe për meremetimin e shkollave fillore dhe të larta, me qëllim nxitjen dhe përmirësimin e kushteve mësimore, që konsiderohet si një prej investimeve më të rëndësishme për të ardhmen.

Mirëpo edhe qytetarët përfshihen në këtë paketë: Shteti heq dorë nga 9 miliardë euro të adhura tatimore, sepse janë parashikuar lehtësime fiskale. Këtu hyjnë zbritja nga tatimet e kontributeve për sigurimin shëndetësor, sepse do të rritet pjesëmarrja e shtetit në këto shuma nga 0,6 %, në gjithsej 14,9 %. Kjo do të thotë se edhe punëdhënësit do të paguajnë më pak për sigurimet shëndetësore të punëtorëve të tyre.

Kabinett tagt zur Rentenreform, Rentenklausur

Kabineti qeveritar

Lehtësime për qytetarët

Me paketën e dytë ekonomike është parashikuar edhe një bonus i veçantë për fëmijët: Për secilin fëmijë shteti do të ndajë 100 euro. Qëllimi është nxitja e konsumit, ndërkohë që lehtësime do të ketë edhe për blerësit e makinave. Më konkretisht: Lehtësimet vlejnë për ata njerëz, të cilët e ndërrojnë makinën e tyre, më së paku nëntë vjet e vjetër, me një veturë të re. Këto masa janë parashikuar për të lehtësuar pozitën aktualisht të vështirë të industrisë së automjeteve dhe për të ruajtur vendet e punës në këtë industri.

Shefi i grupit parlamentar të Unionit Kristiandemokrat, Volker Kauder, shprehet i kënaqur me masat më të reja: "Programi në përgjithësi synon punësimin dhe stabilitetin në vendin tonë, sepse e dimë se kjo do t'ia vlejë. Në kuadër të këtyre masave për punësim dhe stabilitet, ne duhet të kujdesemi edhe për mënyrën e kthimit të borxheve."

Verhandlungen über Konjunkturpaket

Volker Kauder

Koalicioni ka hapur rrugën edhe për ndihmën e sipërmarrjeve. Fjala është për programe për kredi, e jo siç është diskutuar së fundi, për futjen e shtetit në sipërmarrjet e dobësuara.

  • Data 13.01.2009
  • Autor Frank-Christian Starke
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/GXBI
  • Data 13.01.2009
  • Autor Frank-Christian Starke
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/GXBI