Gjermania afrohet me Francën në fushën e mbrojtjes

„Referendumi për Brexit dhe zgjedhjet amerikane na kanë hapur sytë. Ne europianët duhet të marrim vetë sigurinë tonë në dorë", është shprehur ministrja gjermane e Mbrojtjes, Ursula von der Leyen për grupin mediatik „Funke -Mediengruppe të shtunën. Politika  e jashtme e presidentit Trump lë „tek shumë partnerë pasiguri". Prandaj aleatët e ngushtë duhet që „në çështje thelbësore të interesave të përbashkëta të ndjejnë një lloj besimi bazë."

Kancelarja Angela Merkel dhe presidenti francez, Emmanuel Macron kanë ngarkuar ministrat e Mbrojtjes dhe Financave të përpilojnë një iniciativë gjermano-franceze për fondin e planifikuar europian të mbrojtjes, tha ministrja e CDU-së, von der Leyen. Ky dokument do t‘i paraqitet këshillit ministror të dy vendeve më 13 korrik.

Pesë vite të tjera në Afghanistan

"Ne së bashku mund të financojmë në fondin europian eurodronen", tha von der Leyen. Po ashtu ajo theksoi se „mundemi të përmirësojmë transportin ajror gjermano-francez dhe të bashkëpunojmë edhe me vende të tjera." Ministrja gjermane e Mbrojtjes është shprehur lidhur me prezencën e Bundeswehrit në Afganistan, se ky mision ku ushtarët gjermanë janë që në vitin 2002 do të zgjasë edhe së paku pesë vjet të tjera. „Në Kosovë madje e Bundeswehri është i stacionuar gati prej 20 vitesh. Në Afganistan ndoshta duhet të mendojmë për një periudhë më të gjatë qëndrimi", tha von der Leyen.

 

la/(afp, dpa)