1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Gjermania

Gjermani : Ulet prodhimi i industrisë

Kushdo e ka kuptuar se ekonomia gjermane ka probleme të mëdha në lëmin e eksportit, por edhe në sektorin e industrisë. Prodhimi industrial ka rënë 23,3 përqind në krahasim me një vit më parë.

Bursa e Frankfurtit

Bursa e Frankfurtit

Të dhënat më të reja nga Visbadeni ku ndodhet instituti i statistikave, konfirmojnë pohimet për rënie masive të prodhimit në sektorin e industrisë. Por, shihet se rënia do të fillojë të ngadalësohet në tre muajt e ardhshëm. Në nëntor, dhjetor dhe janar rënia e prodhimit në industrinë e lehtë ka qenë rreth 6,6 përqind. Ndërsa në muajin shkurt rënia ishte 4,3 përqind. Ndonëse atmosfera në sipërmarrje ka filluar të përmirësohet, fundi i krizës është ende larg.

Burrë duke punuar në motorrin e një anijeje.

Duke punuar në motorrin e një anijeje - Rënia në sektorin e makinerive ka qenë 25 përqind.

Kai Carstensen i institutit IFO nga Mynihu pohon se zhvillimet janë të ndryshme, varësisht prej sektorit. "Në sektorin e ndërtimtarisë ka shenja përmirësimi. Programi koniukturor duket, se po luan në këtë sektor një rol të veçantë, sepse sipërmarrjet presin që muajt e ardhshëm të përfitojnë nga ky program. Ndërsa në sektorin e tregtisë për shembull, shihen lëvizje në drejtimin e kundërt. Gjendja dhe prognozat shkojnë drejt uljes, ndonëse vlerësimet e fundit janë më të mira se më parë. Kjo ka të bëjë edhe me koncesionet për shitjen e veturave."

Uzinë e prodhimit të Volksvagenit.

Uzinë e prodhimit të Volksvagenit. Vlerësimet e fundit janë më të mira se më parë. Kjo ka të bëjë edhe me koncesionet për shitjen e veturave.

Ndërkohë që koncerni Hochtief njofton për kërkesa të mëdha pune, sektori i automjeteve vuan nga eksporti i dobët. Rënia reale e shitjes në shkurt ishte rreth 40 përqind. Në industrinë e metaleve rënia ishte rreth 30 përqind, ndërsa në industrinë e kimisë dhe të makinerisë, me një të katërtën. Përfaqësuesi i Shoqatës së industrisë së makinave, Hannes Hesse thotë se as aktivitetet e tanishme nuk janë të sigurta, sepse ka probleme me financimin prej bankave. Nga qeveria federale nuk pritet ndonjë paketë e tretë ekonomike, por lehtësime për sipërmarrjet. "Ajo, që kërkojmë ne është që përmes lehtësimeve në tatime, shteti të krijojë kushte për likuiditetin e sipërmarjeve. Duhet të mundësohet, që humbjet e vitit të kaluar të llogariten pjesërisht gjatë këtij viti. Kjo ka të bëjë edhe me shpenzimet për çështjet sociale, që janë futur para disa vitesh, dhe kanë ngarkuar shumë likuiditetin e sipërmarrjeve."

Kërkesa të tilla do të paraqiten të mërkurën e ardhshme në samitin e organizuar nga kancelarja. Qeveria do të informohet për gjendjen në ekonomi dhe të bëjë vlerësimet e para për rezultatet e deritanishme të paketave koniukturore.

Autor: Felix Lincke / Bahri Cani

Redaktoi: Aida Cama

  • Data 16.04.2009
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/HY8K
  • Data 16.04.2009
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/HY8K