1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Studimi në Gjermani

Gjermanët nuk do të luftojnë në Hindukush

Në një deklaratë qeveritare në prag të samitit të NATO-s, kancelarja gjermane Angela Merkel u shpreh për një orientim të ri të saj. Kjo është edhe nga temat e shtypit të sotëm gjerman.

Gjenerali gjerman Egon Ramms dhe presidenti afgan, Hamid Karzai

Gjenerali gjerman Egon Ramms dhe presidenti afgan, Hamid Karzai

Merkel tha në parlament, se në plan të parë duhet të vijë prevencioni. Aleanca duhet të forcojë bashkëpunimin me OKB-në. Në çështjet e sigurisë duhet bashkëpunuar më fort me Rusinë. NATO-ja do të përkujtojë më 3 dhe 4 prill në Baden-Baden dhe Strasburg, 60 vjetorin e krijimit.


Kjo është edhe nga temat e shtypit të sotëm gjerman:


Gazeta Landeszeitung (Lüneburg) shkruan:


Përgjigjet e kancelares në lidhje me atë që duhet të bëjë Nato në rast, se dështon prevencioni dhe në rast se duhet luftuar, mbeten çuditërisht pa pikë subtance. E vetmja gjë, që i bie në mend kancelares në lidhje me Afganistanin është, që gjermanët nuk do të luftojnë në Hindukush. Këtë gjë ajo e quan me të drejtë provë zjarri. Ai që sillet në mënyrë të tillë refuzuese nuk ka pse çuditet në rast se SHBA, nuk e konsultojnë kur është fjala për ndryshimin e strategjisë. Vetëm ai që mban përgjegjësi ka të drejtë të flasë. I çuditshëm është refuzimi i Merkelit ndaj një Nato-je globale. Në një botë në të cilën përhapja e armëve atomike po bëhet gjithnjë e më e vështirë për t'u ndaluar, në një botë ku terroristët islamistë ëndërrojnë për një xhihad global, ku kriza financiare destabilizon shtetet dhe mund t`i bëjë ato që të dështojnë, në një botë kur kërcënojnë luftra për ujin, territore dhe naftë Aleanca më e fuqishme e botës, nuk mund të bëjë sehir duarkryq.


Märkische Allgemeine vëren:


Nato-ja ndodhet tani në Afganistan përpara provës së saj më të vështirë. Sipas fjalëve të Angela Merkelit, kjo provë e vështirë lidhet me faktin, që detyra e Nato-s nuk është përcaktuar qartë sa duhet. Me datën 3 dhe 4 prill Aleanca feston 60 vjetorin si dhe pjesëmarrjen sërish të Francës në drejtimin e Aleancës, pas 43 vjetësh. E gjitha kjo nuk e zgjidh problemin aktual të Nato-s, që ajo në thelb është një Aleancë ushtarake dhe jo një polici botërore. Prej kësaj duhet që partnerët e Nato-s të përcaktojnë kufijtë e detyrave themelore të saj. Vetëm, teoritë e ngritjes së rrjeteve përtej detyrave ushtarake dhe atyre civile nuk do bëjnë, që Aleanca të gjejë një kurs të qartë. (pp/aca/dpa)



  • Data 27.03.2009
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/HKeh
  • Data 27.03.2009
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/HKeh