1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Bota

Ging: „Askush nuk është i sigurtë në Gazë“

Apel urgjent i shefit të OKB-së në Gazë, Xhon Ging. Ai i bën thirrje bashkësisë ndërkombëtare për të vepruar më në fund.

default

Ofensivë izraelite në Rripin e Gazës, 7. Janar 2009

Drejtori i përfaqësisë së OKB-së në Gazë, Xhon Ging (John Ging), u shpreh të martën në lidhje me gjendjen në Rripin e Gazës. Ai tha se askush nuk është i sigurt atje.

Irlandezi Xhon Ging është që prej tre vjetësh drejtor i UNWRA-s në Rripin e Gazës, Agjencisë së Kombeve të Bashkuara për Përkrahjen e Refugjatëve Palestinezë në Lindjen e Afërme. Ai besonte se në këtë kohë i kishte përjetuar të gjitha. Tani qëndron para spitalit Shifa në Rripin e Gazës, ka folur me mjekë të rraskapitur sa më s'bëhet, dhe e zbraz zemërimin në programin anglisht të televizionit arab Al Xhazira: "Kush është përgjegjës për këta njerëz të pafajshëm që janë vrarë dhe plagosur? E dini, tani sundon ligji i armës dhe kjo duhet të ndalojë. Duhet që dhuna të marrë fund menjëherë."

John Ging vom UN-Flüchtlingshilfswerk

Xhon Ging

Ai thotë se ka folur me mjekët në spitalin Shifa, se ka parë plagët e pacientëve, se mungojnë barnat dhe furnizimi. Që prej katër ditësh spitali nuk ka pasur më rrymë elektrike, thotë, dhe që atëherë të gjitha aparaturat punojnë me gjeneratorë, të cilët nuk janë ndërtuar për të punuar pa pushim.

Sulme në kampe refugjatësh

Drejtori i UNWRA-s indinjohet: "I bëj apel udhëheqjes politike këtu në Izrael, në rajon dhe në mbarë botën, që të veprojë më në fund dhe ta ndalojnë këtë. Është përgjegjësia e tyre, ata i marrin vendimet politike. Ky është rezultat i një dështimi politik dhe ata janë përgjegjës për të vrarët."

Pas fillimit të ofensivës tokësore të forcave izraelite UNWRA ka kthyer sa vjen e më shumë shkolla në kampe të përkohshme për ndërkohë më shumë se 13.000 vetë. Këta kanë gjetur strehë në shkollat e UNWRA-s nga frika prej luftimeve ose sepse nuk kanë më strehë.

Gaza Angriff Israel

Sulme në Qytetin e Gazës

Në Beit-Lahija në veri natën e së hënës u sulmua një kamp refugjatësh prej aviacionit ushtarak izraelit, tregon Xhon Ging: "Kemi mbi 600 të vrarë, mbi 2.500 të plagosur dhe numrat sa vjen e rriten. Kemi tragjedinë e natës së kaluar të tre vetëve që me 400 të tjerë morën arratinë nga Beit-Lahija dhe kërkuan strehë në shkollën e OKB-së. U dhamë strehë dhe tani ata kanë vdekur sepse shkolla u godit nga një raketë natën e kaluar kur po dilnin nga banjat. Në Gazë nuk je i sigurt asgjëkundi. Të gjithë këtu janë terrorizuar, janë traumatizuar; me të drejtë sepse këtu nuk ka strehë të sigurt. Nuk mund t'i ikësh kësaj dhune. As t'i ikësh nuk mundesh."

  • Data 07.01.2009
  • Autor Clemens Verenkotte
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/GTTq
  • Data 07.01.2009
  • Autor Clemens Verenkotte
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/GTTq