1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Bota

Fushatë njollosëse në zgjedhjet presidenciale në Amerikë - në shënjestër Barack Obama

Fushatat njollosëse kundër kandidatit demokrat për zgjedhjet presidenciale në Shtetet e Bashkuara të Amerikës, Barak Obama po marrin forma të turbullta.

Kandidati demokrat për president të SHBA, Barak Obama

Kandidati demokrat për president të SHBA, Barak Obama

Fushata njollosëse në zgjedhjet presidenciale në Amerikë ka shumë fytyra. Viktima e preferuar e saj ka muaj që është senatori me ngjyrë Barack Obama. Pikërisht klubi nacional gazetaresk me emër i Uashingtonit, ku janë të anëtarësuar gazetarët më të njohur amerikanë dhe shumë presidentë amerikanë, në mënyrë indirekte i dha një shtysë të mirë kësaj fushate. Klubi në fjalë i ka lëshuar me qera një pjesë të hapësirave të tij një burri, i cili ka 20 vjet që është në shënjestër të policisë amerikane. Si mashtrues i njohur botërisht. Me një dozë nervozizmi që binte në sy menjëherë, Larry Sinclair, i dënuar disa herë nga drejtësia amerikane, doli para korrespondentëve në kryeqytet:

"Obama ka urdhëruar blerjen e kokainës".

Në nëntor të vitit 1999 Barack Obama ka blerë kokainë në qytetin e lindjes Çikago dhe së bashku me të, në ulësen e pasme të një limuzine, e kanë konsumuar atë, pohon Sinclair.

"Obama ka përdorur kokainë".

Për të gjitha këto krimineli i vogël nuk ka ofruar dëshmi. Ekziston një shofer, i cili para nëntë vitesh e ka parë këtë skenë. Por atë duhet ta gjejnë vetë gazetarët. Vetë Obama e ka pranuar në biografinë e tij të parë se në moshën rinore ka konsumuar mariuhanë. Por akuzat e padëshmuara se senatori i Ilionisit ka konsumuar droga të rënda edhe para nëntë vitesh janë pika kulmore e fushatës njollosëse kundër Obamës, e cila po nxitet para së gjithash nga gazetarët e internetit dhe mbajtësit e blogeve në internet. Mbajtësitë e blogeve në internet kanë pohuar se Obama është mysliman, emri i tij i dytë është Muhamed dhe se është kundërshtar i Izraelit. Vetë Obama reagon energjikisht ndaj këtyre akuzave:

"E di se disa prej jush kanë marrë E-Mejle provokuese me shpifje të liga ndaj meje. Nëse takoni dikënd me emrin Obama, atëherë më tregoni edhe mua. Ky emër të fut frikën".

...tha me shpoti kandidati me ngjyrë i demokratëve në paraqitjen e tij në Uashington. Megjithatë Obama e ka të qartë se vetëm ironia nuk mjafton për të neutralizuar helmin e lig, që po shpërndahet përmes internetit. Andaj ai po përdor një armë të njëjtë si të kundërshtarëve të tij. Ai ka hapur një faqe speciale interneti me mbishkrimin 'Luftoni fushatën e njollosjes'. Së fundi duke publikuar në internet çertifikatën e tij të lindjes ai i është kundërpërgjigjur shpifjeve se ka lindur në Kenia dhe nuk mund të bëhet president i amerikanëve.

  • Data 19.06.2008
  • Autor Ralf Sina/ Uashington
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/EMmS
  • Data 19.06.2008
  • Autor Ralf Sina/ Uashington
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/EMmS