1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Evropa

Furnizimi i Evropës me gaz është i pasigurtë - Moska dhe Kievi fajësojnë njëra-tjetrën

Pak pas rifillimit të livrimeve të gazit rus nëpërmjet Ukrainës drejt shteteve të Bashkimit Evropian këto u ndërprenë sërish ditën e martë. Ukraina bëri të ditur të mërkurën se nuk do të përcjellë gaz rus drejt BE-së.

default

Pamje simbolike e konfliktit për gazin

Gëzimi për rifillimin e livrimeve të gazit në Evropë zgjati shkurt. Që dje pasdite u bë e qartë se në Evropë mbërrin pak ose aspak gaz. Dhe kjo megjithëse Gazpromi e hapi rubinetin në mëngjes, siç kishte premtuar. Aleksej Fjodorov, kontrollor në stacionin rus të gazit Suxha, konstatoi:"Në momentin e parë vëllimi i gazit këtu ishte rreth 1,5 milionë metër kub. Me kalimin e kohës ra vëllimi dhe u rrit trysnia. Në orën 12:48 vëllimi i gazit arriti zero. Me trysni të ekuilibruar; kjo do të thotë që Ukraina nuk garanton tranzitin e gazit nëpërmjet territorit të saj për blerësit evropianë."

Kryeministri rus Vladimir Putin njoftoi zyrtarisht presidentin e Komisionit Evropian, Jose Manuel Barroso se, Ukraina bllokon tranzitin e gazit. Vëzhguesit ndërkombëtarë konfirmuan që në rrjetin rus ka trysni dhe në atë ukrainas jo.

Wladimir Putin Fernsehansprache

Vladimir Putin

Kievi fajëson Rusinë

Koncerni ukrainas i gazit Naftogas deklaroi më vonë në faqen e vet të internetit se për arsye teknike nuk po përcillet gaz tranzit. Së pari ishin bërë të ditura tepër vonë të dhënat për kohën dhe sasinë e livruar. Së dyti trysnia në rrjet ishte e pamjaftueshme për të garantuar përcjelljen, u tha. Presidenti ukrainas kishte gati pasdite vonë një shpjegim tjetër për bllokadën e gazit. Sipas tij, Rusia kishte zgjedhur një itinerar krejt të papërshtatshëm. Drejtori i Naftogasit Oleg Dubina e bëri të vetin këtë shpjegim: "Fatkeqësisht sot është absolutisht e pamundur që të përcillet vëllimi i ofruar nga Gazpromi prej 75 milionë metër kub. Nuk është se ne jemi parimisht jo të gatshëm për këtë, por qëkurse Rusia ka ndaluar gazin tranzit ne e kemi shfrytëzuar rrjetin për livrime brenda vendit. Sikur ta përmbushnim porosinë e Gazpromit shumë rajone tek ne do të ishin pa gaz."

Verhandlungen in Brüssel zum Gasstreit

Presidenti i Shoqërisë ukrainase Naftogas, Oleh Dubina

Moska nuk i pranon justfikimet e Kievit

Drejtori i Gazpromit Miller e konsideron të pakuptimtë këtë shpjegim. Deri tani ky tubacion ka qenë i destinuar vetëm për tranzitin. Nuk ka arsye bindëse për Ukrainën që të mos e përcjellë gazin, tha ai.Për kryeministrin rus Putin është e qartë: Ukraina shkel marrëveshjen e arritur me shumë mund, që rregullon tranzitin e gazit në vendet blerëse në Bashkimin Evropian. Kësaj i shtohet fakti që Ukraina u mohon vëzhguesve rusë qasjen në stacionet e kontrollit, e garantuar kjo me kontratë.

Putini i bëri thirrje BE-së në një telefonatë me presidentin e Komisionit Evropian Barroso që të ushtrojë ndikim mbi Kievin. Sipas tij, trysni duhet të bëhet edhe prej kryeministrave të disa vendeve të prekura veçanërisht prej krizës."Sapo telefonova me kryeministrat e Bullgarisë dhe të Sllovakisë. Të dy kolegët shprehën dëshirën për të ardhur në Moskë për t'u bindur në vend se si qëndrojnë gjërat."

BE në kufijtë e durimit

Ndërkohë Bashkimi Evropian paralajmëroi se do t'i ndëshkonte rëndë vonesat e tjera. Rusia shikon tani me padurim nga Perëndimi, pasi deri tani BE-ja ka treguar shumë durim dhe mirëkuptim ndaj Ukrainës. Mirëpo kjo e fundit bëri të ditur të mërkurën se nuk do të përcjellë gaz rus drejt BE-së.

DW.COM

  • Data 14.01.2009
  • Autor Christina Nagel
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/GYGP
  • Data 14.01.2009
  • Autor Christina Nagel
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/GYGP