1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Gjermania

Ftohje mes Berlinit dhe Moskës? Vladimir Putini viziton Gjermaninë

Për herë të parë që nga zgjedhja e tij si kryeministër i Rusisë, Vladimir Putini viziton zyrtarisht Gjermaninë. Në Berlin me kancelaren Merkel priten bisedime për energjinë. Dresdeni i akordon "Urdhri i Saksonisë".

default

Takim në një konferencë shtypi

Çështja kryesore në bisedimet me Angela Merkelin është konflikti i Rusisë me Ukrainën për çështjen e gazit. Në takimin që pritet të zgjasë një orë kancelarja gjermane do të kërkojë dy gjëra nga homologu i saj rus, siç bëri të ditur para takimit një nga zëdhënësat e qeverisë, Thomas Shteg: "Në planin afatshkurtër, që furnizimi me gaz i Gjermanisë dhe Evropës Perëndimore të rifillojë menjëherë dhe me kapacitete të plota."

Ndërsa në planin afatgjatë, që të zgjidhen njëherë e përgjithmonë problemet e mundshme teknike, në mënyrë që raste të tilla të mos përsëriten: "Kjo gjendje nuk mund të përsëritet çdo dy vjet", tha Shteg. Zgjidhja në planin afatshkurtër është e karakterit teknik. Bëhet fjala për sasinë minimale të gazit që nevojitet për të arritur presionin e duhur për depërtimin e gazit deri në Evropë.

Thomas Steg Stellvertretender Sprecher der Bundesregierung

Thomas Steg

Putini i kishte propozuar më parë kryeministrit italian Sivlio Berluskoni ngritjen e një konsorciumi ndërkombëtar për blerjen e këtij gazi teknik nga Rusia. Ndërsa Ukraina pat sugjeruar që këtë sasi gazi ta paguajë Bashkimi Evropian. Qeveria gjermane është e mendimit se këto janë çështje bilaterale dhe duhet të rregullohen mes palëve kontraktuese. "Nuk është e mundur që barrën e grindjeve mes dy shteteve ose dy ndërmarrjeve ta paguajnë shtetet e tjera, qoftë Gjermania, qoftë vende të tjera evropiane, qoftë Bashkimi Evropian. Kjo mundësi përjashtohet", theksoi zëdhënësi i qeverisë gjermane.

Sipas qeverisë gjermane, as njëra nga palët nuk e ka vullnetin e duhur për të gjetur një zgjidhje. Angela Merkel pra do të jetë e prerë me mysafirin e saj nga Rusia. E prerë ishte kancelarja gjermane edhe me kreun ukrainas, një ditë më parë, gjatë një bisede telefonike.

Gasstreit Russland Ukraine Symbolbild

Pamje simbolike

Një lajm i porsa dalë së fundi se rezervat e gazit në Gjermani janë gati të përgjysmuara ndoshta do të bëjë që gjatë vizitës së tij në kryeqytetin e Gjermanisë, Putini ta ndjejë ftohtësinë që po shkakton konflikti ruso-ukrainas. Ngrohtësi do të gjejë Vladimir Putini në një qytet tjetër gjerman, ku do të shkojë menjëherë mbas takimit me kancelaren: Në Dresden, ku në kohën e Bashkimit Sovjetik ai pat shërbyer për një një kohë të gjatë si agjent i shërbimit të fshehtë sovjetik, KGB, kryeministrit rus do t'i akordohet "Urdhri i Saksonisë" për merita në "luftën për të mirën".

DW.COM

  • Data 16.01.2009
  • Autor Anila Shuka
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/GZys
  • Data 16.01.2009
  • Autor Anila Shuka
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/GZys