1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Ballkani

Forca e re e sigurisë në Kosovë - përgjegjësi dhe kufizime

Forca e re e Sigurisë do të krijohet në partneritet me NATO-n dhe do të jetë një forcë profesionale. KFOR-i do të trajnojë FSK-n, që nuk do të jetë drejpërdrejt e angazhuar në sigurinë e Kosovës.

default

KFOR-i do të trajnojë forcën e re të sigurisë

Udhëheqësit politikë kosovarë premtojnë përkujdesje ligjore për pjesëtarët e TMK-së, pas shuarjes së saj për t'ja lënë vendin Forcës së re të Sigurisë së Kosovës. Shumë pjesëtarë të TMK-së, do të zhveshin uniformat e tyre dhe do të shkojnë në pensionim të parakohshëm, ndërsa një numër i vogël i tyre do të angazhohen në Forcën e Sigurisë së Kosovës.

TMK nuk do të përfshihet e gjitha brenda forcës së re

Shpërbërja e TMK-së, do të jetë një proces i dhimbshëm, thotë komandanti aktual i kësaj trupe gjeneral, Sylejman Selimi: "Procesi nuk do të jetë i lehtë, do të jetë shumë i vështirë, sepse shumë pjesëtarë të TMK-së nuk do të përfshihen në forcën e re. Është shumë e rëndësishme që qeveria dhe parlamenti të miratojnë shumë shpejt ligjin për pensionim të parakohshëm".

Kosovo Unabhängigkeit Hashim Thaci im Parlament in Pristina

Parlamenti kosovar

Si do të organizohet FSK

Autoritetet ushtarake të KFOR-it, premtojnë se do ta trajnojnë Forcën e Sigurisë së Kosovës, por pjesëtarët e saj, nuk do të jenë drejpërdrejt të angazhuar në sigurinë e Kosovës. Presidenti i Kosovës Fatmir Sejdiu, thotë se dallimet në kompetenca ndërmjet TMK-së dhe Forcës së re të Sigurisë, do të jenë të mëdha. "Trupa Mbrojtjes e Kosovës deri tash ka pasur një trajtim të një organizate civile. Ju e dini rolin, cili ka qenë. Pavarësisht pjesës së historikut të saj dhe një përkushtimi të jashtëzakonshëm në situata të ndjeshme për Kosovën, Forca e re e Sigurisë së Kosovës do të jetë realisht një ushtri e Kosovës", thotë Presidenti Sejdiu.

Forca e re e Sigurisë së Kosovës që pritet të krijohet këtë vit do të ketë 2500 pjesëtarë. Kjo forcë do të jetë e armatosur lehtë dhe do të jetë e mbikqyrur nga NATO-ja. Sekretari i Përgjithshëm i NATO-os, Jaap de Hup Schefer, ka thënë se në këtë faze, nuk mund të thuhet se Forca e Re Sigurisë së Kosovës, do të jetë ushtri, mirëpo do të jetë e përfshirë në disa operacione së bashku me KFOR-in. Siguria e Kosovës dhe mbrojtja e kufijve të saj edhe për një kohë të gjatë do të jetë kompetencë e forcave paqerujatëse, të cilat veprojnë në bazë të rezolutës 1244 të KS-it.

  • Data 14.08.2008
  • Autor Bekim Shehu
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/ExEd
  • Data 14.08.2008
  • Autor Bekim Shehu
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/ExEd