1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

1914 - Lufta e I Botërore

Flaka olimpike në Paris

Zjarri olimpik ka filluar paradën e tij në një stacion tjetër, Parisin. Rreth 3000 policë janë vënë në dispozicion për mbarëvajtjen e ceremonisë. Parisi nuk do trazime të flakës olimpike si më parë në Londër

Kinezi Liu Xiang mban pishtarin olimpik

Kinezi Liu Xiang mban pishtarin olimpik

Flaka olimpike në Paris, në qytetin që humbi përballë Londrës për të qenë mikpritësi i lojërave olimpike 2012. Megjithatë fryma olimpike është ende gjallë. Parizianët janë besnikë të idealeve të tyre. Kryetrai i bashkisë, Delanoe: "Në 7 prill në fasadën e bashkisë varet një banderolë me mbishkrimin: Parisi mbron të drejtat e njeriut-në të gjithë botën."

Myslimanët ugurë protestojnë para Xhamisë Blu për bojkotimin e lojrave olipmike

Myslimanët ugurë protestojnë para Xhamisë Blu në Stamboll për bojkotimin e lojrave olipmike

Të gjithë popujt kanë të njëjtën të drejtë për një jetë në dinjitet, edhe populli i Tibetit, shpehet kryetari socialist i bashkisë së Parisit, i cili vetë ka pritur Dalai Lamën para disa vitesh. Sportistët francezë ndërkohë kanë nxjerrë një stemë ku shkruhet "Franca: për një botë më të mirë."

Në mesditë zjarri olimpik filloi paradën e tij përmes Parisit. Ndërsa kampioni botëror në vrapimin me pengesa, Stephane Diagana ka nderin ta çojë pishtarin që nga kati i parë i kullës Eifel në majë. Diagane nuk kursehet: "Duhet të marrim pjesë në lojërat olimpike. Të përdorim këtë mundësi që na jepet. Kina i donte lojërat olimpike. Tanimë i gjithë opinioni botëror i ka drejtuar sytë nga ajo. Kina duhet të përmirësohet dhe deri në gusht të përmbushë detyrimet e saj."

Pishtari olimpik trazohet nga aktivistët që luftojnë për të drejtat e Tibetit, Londër, 6 prill 2008

Pishtari olimpik trazohet nga aktivistët që luftojnë për të drejtat e Tibetit, Londër, 6 prill 2008

Një numër i madh policësh e shoqërojnë aktivitetin, 3000 gjithsej. Shefi i shoqatës së gazetarëve "Reporterë pa kufi" Robert Menard, i cili protestoi kundër represionit në Tibet në Olimpian antike greke, paralajmëron: "duhet të heqim dorë nga gjunjëzimi para autoriteteve kineze. Për fat të keq askush nuk e ka guximin për një gjë të tillë. Për këtë arsye shoqata jonë do t'i vazhdojë aksionet e saj."

Presidenti francez Sarkozi e ka lënë të hapur mundësinë e pjesëmarrjes në ceremoninë e hapjes së lojërave olimpike në Pekin, në varësi të zhvillimeve në Tibet. Por ai nuk përjashton mundësinë e pritjes zyrtare të Dalai Lamës, i cili gjatë lojërave olimpike në gusht do të qëndrojë në Paris.

  • Data 07.04.2008
  • Autor Stefani Markert
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/DdQE
  • Data 07.04.2008
  • Autor Stefani Markert
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/DdQE