1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Politika

Erdogan: Integrim në Gjermani pa u asimiluar

Kryeministri turk, Rexhep Taip Erdogan foli të dielën para 10.000 spektatorëve në Dyseldorf. Kryeministri turk tha se myslimanëve nuk duhet t'u kufizohet e drejta e për lirinë e besimit.

default

Rexhep Taip Erdogan duke folur në Dyseldorf (27.02.11)

Kryeministri turk ngjitet në skenë, si gjithmonë me vonesë të madhe, por kjo sigurisht nuk e ndryshon atmosferën entuziaste. Madje shumë vetë e pritën kryeministrin përjashta në shi. Biletat ishin shitur prej kohësh në xhami, në shoqatat turke apo supermarkete.

Gjithkush mund të hynte brenda, por jo çdo vizitor ishte përkrahës i politikës konservatore-islamike. Një burrë turk thotë: "Ai është kryeministri i Turqisë dhe jo i Gjermanisë. Mua nuk më pëlqen kjo."

Ndërsa një vizitor tjetër: "Ai nuk është pjesë e forcave progresiste, që unë i mbështes, por duhet ta them integrimi është për të i rëndësishëm ."

Türkei Deutschland Düsseldorf Erdogan

Atmosferë entuziaste për Erdoganin

Për shumë turq që erdhën në Dyseldorf e rëndësishme ishte të shikonin kryeministrin turk dal vivo. Daljet në publik në Gjermani nuk kanë vetëm efektin e evenimentit në Turqi.

Megjithatë Cidam Ünsal nuk miqësohet dot me politikën e Erdoganit.

"Jo, sepse, nuk bëj pjesë tek partia e tij, dhe nuk i mbështes qëndrimet radikale të kësaj partie - qëndrime radikale islamiste."

Por Cidam Ünsal i jep në një pikë të drejtë Erdoganit. "Nuk është mirë të asimilohesh, Gjermania e ka këtë politikë, pra politikën e asimilimit. Mendoj në këtë pikë ai ka të drejtë, 100 përqind madje."

Por ndryshe nga viti i shkuar, këtë vit Erdogani nuk u mor shumë me temën e integrimit. Ai përsëriti se integrimi është i rëndësishëm, por heqja dorë nga kultura dhe gjuha jote është e papranueshme. Madje edhe një nocion i kontestuar u përdor - fjala asimilim - por këtë herë Erdogani dukej më i përmbajtur dhe më tolerant.

Türkei Deutschland Düsseldorf Erdogan

Biletat ishin shitur prej kohësh në xhami, në shoqatat turke apo supermarkete

Fjalimi njëorësh i kryeministrit turk u shërbente para së gjithash sukseseve në politikën e brendshme dhe të jashtme të qeverisë konservatore islamike. Sigurisht kishte tonin e një fjalimi zgjedhor. Më 12 qershor në Turqi zhvillohen zgjedhjet e reja dhe Erdogani dëshiron që shumë turq të vijnë në vendlindje dhe të japin votën për partinë e tij, ose së paku të nxisin të afërm e miq të votojnë për partinë konservatore.

Asnjë kryeministër turk para Erdoganit nuk ia ka dalë të bëjë fushatë zgjedhore në tokë gjermane. Por përkrahësit e Erdoganit e mbështesin edhe këtë përpjekje të kryeministrit.

"Personalisht ai nuk foli për zgjedhjet, ai vjen shpesh në Evropë." thotë një përkrahës i kryeministrit turk. Ndërsa një tjetër: "Ne gëzohemi që ai erdhi tek ne dhe mesazhet që ai na dha neve qytetarëve turq në Gjermani dhe mediave gjermane duhet të kuptohen drejt dhe jo si herën e fundit në Köln."

Autor: Ayca Tolun/Lindita Arapi
Redaktor: Pandeli Pani

  • Data 28.02.2011
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/10Qfq
  • Data 28.02.2011
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/10Qfq