1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Ballkani

Energjia dhe Kosova sjellin Prodin në Tiranë

Kryeministri italian Romano Prodi do të bisedojë me Tiranën për mundësinë e ngritjes në Shqipëri të një centrali atomik

Romano Prodi

Romano Prodi

Qëllimi i vizitës në Tiranë të kryeministrit italian Romano Prodi, do të përqëndrohet në tri fusha kryesore: energjinë, intensifikim e marrdhënieve italo- shqiptare dhe Kosovën. Burime zyrtare pranë kryeministrit Berisha thanë për DW se gjatë vizitës së Kryeministrit italian Prodi do të nënshkruhen tri marrëveshje.

Për ekstradimin e kriminelëve

Dy kryeministrat, Prodi dhe Berisha do të nënshkruajnë marrëveshjen për ekstradimin e të dënuarve dhe lehtësimin e hetimeve për të bërë të mundur zbatimin e dy Konventave europiane, të firmosura edhe nga Shqipëria, në lidhje me ekstradimin e ndërsjelltë të kriminelëve.

Për investime në fushën e energjisë

Marrëveshja e dytë do të nënshkruhet mes ministrit të Energjisë dhe Ekonomisë Genc Ruli dhe përfaqësuesit të kompanisë italiane ENEL për investime në fushën e energjisë. Burime zyrtare nga kryeministria në Tiranë pohuan dje se mes dy palëve do të diskutohet edhe mundësia e ndërtimit në Shqipëri të një centrali bërthamor për prodhimin e energjisë elektrike, gjë që në territorin italian është e ndaluar me ligj nga Parlamenti italian pas katastrofës së Cernobilit, në vitin 1986.

Për arsimin

Marrëveshja e tretë do të nënshkruhet mes Ministrit të Arsimit dhe Shkencës, Genc Pollo, dhe ambasadorit italian në Tiranë për nxitjen e bashkëpunmit teknik dhe shkencor mes dy vendeve.

Për Kosovën

Kosova dhe statusi i saj përbën fokusin tjetër të vizitës në Tiranë të kryeministrit italioan Prodi. Ai është një nga politikanët e BE-së që është treguar mjaft aktiv në çështjen e Kosovës. Sa për ilustrim përmendim se pardje, gjatë një vizite në Bolonjë, Prodi deklaroi se „e ardhmja e Kosovës dhe fati i gjithë rajonit janë sfida më e madhe me të cilën do të përballet Bashkimi Europian në javët dhe muajt e ardhshem dhe ku ai nuk duhet të dështojë". Sipas Kryeministrit italian „BE duhet të provojë aftësitë e tij për stabilizim, si përsa i përket çështjes së statusit të Kosovës dhe gjithë rajonit në përgjithësi".

Vizita e rëndësishme

Kryeministri Prodi është një politikan i njohur në Shqipëri jo vetëm nga elita politike por edhe qytetarët e thjeshtë. Prodi mbahet mend nga shqiptarët si diplomati që guxoi të shkelte në Vlorën e trazirave në prill të vitit 1997, pak kohë pasi marrëdhëniet mes dy vendeve ishin tronditur keqazi nga incidenti në kanalin e Otrantos. Lidhja e Prodit me Shqipërinë do të vazhdonte në vitin 2003 kur ai, si Kryetar i komisionit Europian do të vinte në Tiranë për të firmosur hapjen e negociatave për nënshkrimin e marrëveshjes së Stabilizim Asocimit me BE-në. Vizita zyrtare e kryeministrit italian Romano Prodi konsiderohet nga qarqet politike dhe të biznesit si historike, për intensifikimin e bashkëpunimit ekonomik mes dy vendeve.

  • Data 03.12.2007
  • Autor Ani Ruci / Tiranë
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/CVyy
  • Data 03.12.2007
  • Autor Ani Ruci / Tiranë
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/CVyy