1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Bota

Egjipti tashmë me një president të ri të përkohshëm

Pas rrëzimit të presidentit të Egjiptit Mohammed Mursi nga ushtria, është emëruar tashmë Kryetari i Gjykatës Kushtetuese si president i ri i vendit.

default

Presidenti i përkohshëm i Egjiptit, Adli Mansour

Kryetari i Gjykatës Kushtetuese, Adli Mansur ka marrë në Kajro mandatin e kreut të vendit dhe njëkohësisht ka bërë betimin për të drejtuar vendin deri në zgjedhjet e reja presidenciale. Ai u shpreh se ndjehet krenar për postin e ofruar si lider i përkohshëm duke vlerësuar rolin e protestave dhe të ushtrisë. Koha e qëndrimit të tij në këtë post nuk u bë e ditur. Islamisti Mohamed Musri ishte zgjedhur në këtë post gati një vit më parë, por pas protestave të shumta masive ai u shkarkua dhe po mbahet në arrest shtëpiak.

Sipas agjencisë së lajmeve, Mena, edhe anëtarët e tjerë të Vëllazërisë Myslimane që mbështetën presidentin e rrëzuar, janë ndaluar nga forcat e armatosura dhe po qëndrojnë në burg në Kajro. Forcat e sigurisë egjiptiane kanë arrestuar gjithashtu liderin e partisë politike të Vëllazërisë Muslimane, Saad el-Katatni. Aty është burgosur edhe ish presidenti i rrëzuar para dy vitesh, Husni Mubarak.Ndërkohë bëhet e ditur se gjatë përleshjeve mes ithtarëve dhe kundërshtarëve të Mursit, kanë humbur jetën të paktën 14 vetë.