1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Gjermania

Dyshime për objektivitetin e mediave gjermane

Popullsia gjithnjë e më shumë ka dyshime për objektivitetin e mediave gjermane, sepse kufijtë mes gënjeshtrës, heshtjes dhe vetëcenzurës shkrihen me njëri-tjetrin.

Mediat në Gjermani "kontrollohen nga lart" dhe kanë përhapur njoftime "të zbukuruara dhe të pasakta" - kështu mendonte pothuajse një ndër dy prej të 1,000 qyetarëve të përzgjedhur nga instituti për demoskopi Forsa.

Ardhjet e refugjatëve dominojnë mediat, dhe në të njëjtën kohë gjermanët po përjetojnë këtë temë edhe "live" në mjedisin ku jetojnë. Që prej kësaj duket se ka dallime të dukshme në perceptimin e qytetarëve dhe prezentimin që bëjnë gazetarët.

Nëse këto dallime ekzistojnë vërtetë dhe sa të mëdha janë ato ndërkohë, i preokupton ekspertët e medias që nga botimi i librit të ish-senatorit të Berlinit për financat, Thilo Sarrazin, i cili e ja quajtur të "dështuar" integrimin e emigrantëve në Gjermani.

"Ne jetojmë larg nga një të lirisë së shprehjes", thotë Norbert Bolz, studiues i komunikimit në TU Berlin në një intervistë televizive. Të tregosh në shtyp gjithmonë shembuj të mirë emigrantësh të integruar shumë mirë, është një gjë. Por për të krijuar pamjen e plotë shtypit i takon të raportojë edhe për zhvillimet negative. Por kjo nuk bëhet gjithmonë kur është fjala për emigracionin dhe krijon dyshime për manipulim. Shumë media karakterizohen sipas vëzhgimeve të tij nga një diskurs intelektual i majtë. "Pikërisht ata që luftuan dikur për lirinë e shtypit dhe të mendimit janë sot fuqitë më të mëdha të tabuve," ankohet Bolz.

Paragjykimet dhe vetëcezura

Roland Tichy, kryeredaktor i disa medieve ekonomike dhe kryetar i fondacionit Ludwig Erhard tha në një konferencë me temën "Mediet dhe e vërteta" se "kufijtë mes gënjeshtrës, heshtjes dhe vetëcenzurës shkrihen me njëri-tjetrin".

Në rastin e një qyteti gjermano-lindor, Sebnitz, ku gjeti vdekjen djali i një çifti gjermano-irakian, gazetat shkroi: "Neonazistët mbytën në liqen një fëmijë". Por në fakt fëmija kishte përsuar një infarkt në zermër dhe prandaj qe mbytur. Po ashtu edhe në rastin e politikanit Geert Wilders që u konsiderua nga gjykata i pafajshëm për veprën e agjitacionit, në mediat gjermane nuk u raportua në mënyrë neutrale. Sipas Tichy gazetarët gjermanë në krahasim me ata ndërkombëtarë "janë profetë të një çështjeje dhe luftojnë për diçka në vend që të raportojnë për të.

Interneti mundëson krahasimin

Me rritjen e përdorimit të burimeve të internetit dhe rrjeteve mediave sociale mund të krahasohet menjëherë se për çfarë raportojnë mediat dhe të shkëmbehen informacione. Sovraniteti i interpretimit të gazetarëve i takon së shkuarës, thonë shumë studiues të mediave. Sidomos blogjet ofrojnë mendime që nuk mbulohen nga mediat kryesore. Kjo ngre gjithnjë e më shumë dyshimin nëse gjithmonë raportohet me vërtetësi.

Të gjitha të diktara nga lart?

"Kjo është teori konspirative, që nuk është kështu e vërtetë", mendon studiesi Hachmeister, "por pyetja është se për cilat tema raportohet dhe se si raportohet dhe cilat tema nuk trajtohen". Kjo shpesh vendoset sipas lidhjeve të kompanive mediatike me elitat e shoqërisë. Publiku sipas tij e kupton që shtypi nuk ka aq liri se sa pretendon. Po ashtu qëkurse polaritet politike janë zbukur në media ka më pak "gatekeeper", mendon Hachmeister.