1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Ballkani

Dyshime për montim gjyqësor në "Rastin e Sopotit" në Maqedoni

Në Parlamentin e Maqedonisë është formuar një grup pune për zbradhjen e dyshimeve në proceset e montuara. Si i montuar dyshohet edhe "Rasti i Sopotit", ku u dënuan 11 shqiptarë.

default

Parlamenti i Maqedonisë

Vendimet përfundimtare nga disa procese gjyqësore në Maqedoni, kanë bërë që opinioni të ketë rezerva dhe dyshime se janë të montuara. Dyshime kanë lindur edhe për “Rastin e Sopotit”, për të cilin është formuar Komision i posaçëm parlamentar, i cili do ta hetojë hollësisht tërë procesin gjyqësor. Në këtë proces, 11 shqiptarë të fshatit Sopot, janë dënuar me 156 vjet burg. Ata kanë qenë të akuzuar për vendosjen e një mjeti shpërthyes në afërsi të fshatit në vitin 2003, me ç'rast humbën jetën 2 ushtarë të NATO-s dhe një shtetas i Maqedonisë. Para komisionit parlamentar ka dëshmuar edhe ish-ambasadori i NATO-s në Maqedoni, Nikolas Bigman. "Banorët e dënuar të Sopotit janë të pafajshëm. Dënimi i tyre me burg mbështetet vetëm në një deklaratë, e cila është tërhequr një ditë më pas", shpjegon Bigman, duke shtuar se "nuk mund të kërkosh nga dikush të dëshmojë pafajësinë, nëse pala tjetër nuk ka dëshmi se je fajtor."

Motivi i paqartë

US-Soldaten an der kosovarisch-mazedonischen Grenze

Ushtarët amerikanë në kufirin mes Maqedonisë dhe Kosovës

Nuk ka asnjë arsye për të besuar se cili ishte motivi i fshatarëve për ta vënë mjetin shpërthyes. Shqitarët edhe atëherë kanë pasur besim në NATO-n si garancë për stabilitet. Bigman ka sygjeruar që organet kompetente duhet të fokusohen në gjetjen e fajtorëve, ndërsa sopotasit të lëshohen në liri. "Është në interesin e Maqedonisë që të zbardhen rastet e dyshimta, sepse ajo pretendon të bëhet anëtare e BE-së dhe NATO-s", pohon Bigman.

Avokati Numan Limani vlerëson se gjatë procesit gjyqëor janë bërë një sërë shkeljesh të procedurave. Ai është i bindur se ka mundësi në çdo rast, çdo moment, të gjenden argumente të reja dhe të përsëritet rasti i Sopotit. "Në kohën si avokat kam disponuar me informacione shumë të fuqishme, që kanë mundur të sjellin deri tek lirimi i të akuzuarve”, thotë Numan Limani, ish-avokat i të dënuarve.

Detyrat e grupit të punës

Grupi i punës deri në fund të këtij muaji duhet të përgatis një raport për rastin e Sopotit. Kryetari i komisionit, deputeti Tahir Hani, pohon se raporti do të përgatitet në përputhje me dëshmitë e deritanishme dhe do të ndërtojë një raport kronologjik me konkluza, të cilat do të dëshmojnë ecurinë e procesit në rastit e Sopotit. "Duhet dëshmuar nëse gjykimi ishte fer dhe i drejtë, apo ka pasur shkelje procedurash dhe ka argumente të reja për mundësinë e rishqyrtimit të rastit të Sopotit”, thotë Tahir Hani.

Familjarët e të dënuarve nuk përjashtojnë mundësinë që drejtësinë ta kërkojnë edhe para Gjykatës së Drejtësisë në Strazburg.

Autor: Fatos Musliu

Redaktoi: Bahri Cani

  • Data 24.10.2009
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/KEIo
  • Data 24.10.2009
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/KEIo