1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Evropa

Dioksin në mishin irlandez të derrit - Gjermania e prekur

Irlanda ka tërhequr nga supermarketet të gjitha produktet e mishit të derrit për shkak të infektimit me dioksin, lëndë kjo që mund të shkaktojë kancerin.

Specialiteti Gjerman Saumagen

Dioksin shkakton pasoja të rënda shëndetësore

Sipas autoriteteve, në prova të mishit u zbuluan gjurmë dioksine, 80-200 herë më të larta se sa norma e lejuar. Gjermania është e prekur, pasi importon mish nga Irlanda. Vetëm vitin e shkuar 9000 tonë.

Qeveria irlandeze ka kërkuar të hiqen nga raftet e supermarketeve produkte me datë prodhimi nga 1 shtatori. Edhe dyqanet dhe restorantet janë lutur që të kthejnë të gjitha produktet përkatëse, si proshutë, pica të ngrira, dhe sallame. Konsumatorëve i është rekomanduar të mos konsumojnë më mishin e derrit vendas.

E prekur nga kjo epidemi është edhe Gjermania, pas Britanisë së Madhe është vendi i dytë importues i mishit irlandez. Ministria e bujqësisë në Berlin i ka bërë kërkesë ekonomisë së artikujve ushqimorë të heqë nga tregu mishin e derrit nga Irlanda.

Sipas të dhënave të autoriteteve irlandeze për sigurinë e lëndëve ushqimore në mishin e derrit janë zbuluar gjurmë dioksine 80 deri në 200 herë më të larta se sa norma e lejuar. Problemi është se nëse lënda e dioksinit merret për një kohë të gjatë me ushqimin, ka rrezik të shkaktojë sëmundjen e kancerit. Qeveria irlandeze thekson se në aksionin e tërheqjes nga tregu të mishit të derrit, bëhet fjalë për një masë preventive dhe se rreziku real për konsumatorët është i tepër vogël.

Shkaktar i vlerave të larta të dioksinës është një prodhues i ushqimit për kafshët në Irlandë. Shenjat e para të alarmit u dhanë në Irlandë që në fillim të javës së shkuar, ndërsa të shtunën laboratori në Angli konfirmoi vlerat e larta. Dioksin është një lloj helmi që shkakton pasoja të rënda shëndetësore. Rrezikon zhvillimin e fëmijëve të palindur, shkakton anomali në sistemin nervor, dhe mund të shkaktojë në rastin më të keq kancerin.

Edhe Komisioni Evropian i ka konfirmuar vlerat e larta të lëndës së rrezikshme dioksin. Për ekonominë irlandeze kjo është një goditje erë dnë. Ekonomia e mishit të derrit është një nga sektorët më të mëdhenj agrarë me vlerë rreth 400 milionë euro. Në të janë të punësuar 7000 irlandezë.

  • Data 08.12.2008
  • Autor Ralf Borchard
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/GBkj
  • Data 08.12.2008
  • Autor Ralf Borchard
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/GBkj