1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Evropa

Dhuratë e hidhur Krishtlindjesh - Buxheti i Greqisë 2011

Buxheti i Greqisë për vitin 2011, i cili karakterizohet nga masat e kursimeve, do t'u sjellë vështirësi të mëtejshme banorëve të këtij vendi.

default

Televizioni grek përpiqet të përhapë atmosferë festive me rastin e Krishtlindjeve, por grekët duket se kanë halle të tjera. "Festa më e keqe e Krishtlindjeve që po kalojmë që prej dekadash" - të thonë këto ditë shumë qytetarë. Shumëkush ka humbur vendin e punës, thuajse të gjitha çmimet janë ngritur dhe ekonomia greke po rrudhet. Për tremujorin e tretë statistikat raportuan një minus prej më tepër se 4%. Dhe njerëzit nuk po shpenzojnë para as ditët e fundit përpara Krishtlindjeve, sepse shumica e tyre nuk ka para.

Dhe me duket grekët i presin kohë edhe më të këqia dhe më të ashpra. Masat drastike të kursimeve do ta shtojnë barrën e rëndesës së popullsisë. Qeveria synon që me to ta ulë në masën 7,4% borxhin e ri të vendit. Edhe pse kjo shifër është më e lartë se sa lejohet, po ta krahasosh deficitin e vitit 2009 kemi një lloj përmirësimi. Në vitin 2009 borxhi i ri i Greqisë ishte 15,4 %.

Ministri grek i Financave, Jorgos Papakonstantinu e vlerëson pozitivisht buxhetin për vitin 2011: "Ky buxhet kontribuon që ne t'i plotësojmë plotësisht detyrimet tona ndërkombëtare. Madje si nga pikëpamja qualitative edhe nga ajo quantitative."

Prej kursimeve në buxhet pritet që vitin e ardhshëm të preket sidomos sektori i shëndetsisë. Kjo do të thotë edhe se vitin e ardhshëm pritet të mbyllen një numër i madh spitalesh. Po ashtu prej ndryshimit të rregullave për tvsh-në pritet që në të ardhmen do të shtrenjtohen edhe ushqimet. Kështu meqenëse se tvsh-ja në masën 23% do të vlejë edhe për mishin, frutat, perimet dhe prodhimet e qumështit, edhe këto do të shtrenjtohen. Pa përmendur pastaj shtrenjtimin e taksave për karburantin dhe për cigaret.

Opozita, e në radhë të parë partia konservatore Nea Dimokratia, mendon se buxheti i ri nuk përmban stimuj për të nxitur ekonominë dhe rëndimi i mëtejshëm i konsumit përmes taksave do të çojë në një rreth vicioz.

Autor: Steffen Wurzel / Pandeli Pani

Redaktoi: Eliana Xhani

DW.COM

  • Data 23.12.2010
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/zoWN
  • Data 23.12.2010
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/zoWN