1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Bota

Dhunë policore para pallatit presidencial

Të premten në mbrëmje në Kajro ka pasur luftime të ashpra para pallatit presidencial. Policia qëlloi municion demonstruesit. Pati të paktën një vdekur. Sulmi brutal i policisë bëri bujë të madhe.

Hundreds of Egyptians shout slogans as they face-off with riot police during anti-President Mohammed Morsi protest in front of the presidential palace in Cairo, Egypt, Friday, Feb. 1, 2013. Some thousands of Egyptians marched across the country, chanting against the rule of the Islamist President Mohammed Morsi, in a fresh wave of protests Friday, even as cracks appeared in the ranks of the opposition after its political leaders met for the first time with the rival Muslim Brotherhood. (AP Photo/Amr Nabil)

Kairo Proteste Unruhen

Çdo sekondë bien të shtënat e pushkëve të policisë paramilitare. Situata është e tensionuar dhe serioze. Aty nuk përdoret vetëm gaz lotsjellës, kësaj rradhe edhe municion i rëndë. Të gjithë e dinë se këtu vënë jetën e tyre në rrezik. Dy të rinj çojnë shokun e tyre të plagosur në një autoambulancë. Ai ka marrë disa gëzhoja plumbi në kofshë. Por edhe në autoambulancë duhet patur kujdes. Një fotograf tregon se para pak minutash ka qenë në një makinë ambulance, që u godit prej fishekëve fluturues.

Përballë automjetit të ndihmës së shpejtë rri ulur buzë trotuarit 27 vjeçari Hazim. Pranë ka një maskë gazi: "Ata kanë përdorur masa me gaz lotsjellës, ata edhe qëllojnë. Para dhjetë minutash filluan të gjuanin nga çatitë e ndërtesave përreth nesh ..." Atje lart ai ka parë katër vetë, të cilët kishin shtënë mbi ta.

Policia njofton se do të përdorë dhunë

Por protestuesit ishin agresivë. Ndryshe nga demonstratat e mëparshme ata kanë sulmuar kësaj rradhe vetë pallatin. Kokteje molotov kanë fluturuar mbi murin e pallatit dhe pemët aty pranë filluan të marrin zjarr. Policia fillimisht u përgjigj me gaz lotsjellës.

Herët në mbrëmjen e së premtes (01.02.2013) presidenti Mohammed Mursi dhe Vëllazëria myslimane dhanë pothuajse në të njëjtën kohë deklaratat e tyre. Presidenti i  kërkonte partive të opozitës, që të dënonin dhunën e protestuesve në pallatin presidencial. Vëllazëria Myslimane kërkoi nga partitë opozitare, që të udhëzojë pasuesit e tyre, për t'u larguar nga demonstrata. Zëdhënësi i Mursit deklaroi se forcat e sigurisë janë të gatshme për të mbrojtur me vendosmëri dhe forcë pronën e  shtetit. Pak më vonë policia filloi të hapë zjarr në drejtim të demonstruesve

Partitë opozitare nuk kanë ndikim mbi demonstruesit

Por ndikimi i partive të opozitës mbi demonstruesit është i pakët, këtë e konfirmon edhe  Hazimi: "Të gjithë politikanët dhe partitë nuk kanë në fakt ndikim te njerëzit në rrugë. Ata mendojnë se kanë, por nuk kanë. Nëse Mohammed al-Baradei, apo Hamdien Sabahi, do t'u thonë njerëzve: "shkoni në shtëpi", njerëzit do t'u përgjigjen:" Jo! " Sepse nuk janë ata, që i nxjerrin demonstruesit në rrugë." Deklarata e nxjerrë të enjten nga Vëllazëria Myslimane, salafistët dhe partitë opozitare bëhet kështu e pakuptimtë. Të gjithë pjesëmarrësit kishin deklaruar  se refuzojnë çdo formë të dhunës në debatin politik. Por, meqënëse opozita ka pak ndikim mbi protestuesit, deklarata ka pak ndikim mbi protestat aktuale. Kësaj i shtohet edhe fakti se përfaqësuesit e Vëllazërisë Myslimane i bëjnë sërish përgjegjës partitë opozitare për dhunën e ushtruar. Kështu dështojnë përpjekjet e sapofilluara për dialog. Hazimi mendon se protestuesit nuk do të ndalen, derisa presidenti të japë dorëheqjen. Ata janë lodhur me mungesën e veprimit të Presidentit dhe duan të shohin më të fund përmirësime. "Ndoshta dhuna është një lloj reagimi ndaj politikës së Mursit. Ai e bën çfarë të dojë dhe nuk dëgjon askënd. Ai thotë: " Egjipti është i mirë, Egjipti është i bukur", siç ka bërë gjatë vizitës në Gjermani, krejtësisht qesharake. "

Policët i turren një burri të pambrojtur

Nevojë akute për ndryshim ka sidomos në sektorin e sigurisë. Demonstruesit përplasen me policinë, edhe për shkak se ata i urrejnë forcat e sigurisë. Shumë kanë vuajtar në të kaluarën nga arbitrariteti dhe brutaliteti i policisë dhe shërbimeve të inteligjencës. Dhe jo pak kanë parë në dy vitet e fundit, se si shokët e tyre kanë gjetur vdekjen nga dhuna policore.

Shembullin e fundit çnjerëzor të policisë egjiptiane mund ta shihje të enjten live në televizioni egjiptian. Një trupë paraushtarake e policisë sulet mbi një burrë të pambrojtur 48 vjecar, i cili ndodhet i shtrirë në tokë. Ata i heqin rrobat nga trupi, derisa e zhveshin lakuriq në asfalt para pallatit presidencial. Pastaj e rrahin me shkopinj dhe grushta. Në fund e terhiqin për një këmbe në drejtim të një furgoni të policisë, në të cilin ai zhduket.

Janë skena të tilla, arsyeja pse ka filluar revolucioni dy vjet më parë në Egjipt. Por deri tani aparati policor nuk është reformuar. Policët, të cilët kanë kryer vepra penale, nuk dënohen pothuajse kurrë. Pa futjen e reformave përkatëse betejat e dhunshme rrugë nuk do të pushojnë.