1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Ballkani

Daçiq: Dialogu duhet të vazhdojë, por konfliktet nuk mund të përjashtohen.

Sipas Dejan Paviqeviq, drejtuesi i ri i delegacionit serb, prioritet kryesor i delegacionit serb në dialogun teknik me Prishtinën do të jetë zbatimi i marrëveshjeve të arritura deri tani.

Serbischer Regierungschef Ivica Dacic während der PK mit dem Präsident des Europäischen Parlamentes Martin Schulz. Copyright: DW/Marina Maksimovic 4.8.2012 in Brüssel

Ivica Dacic in Brüssel

"Serbia duhet të ngrejë ura mirëbesimi mes Beogradit dhe Prishtinës", u shpreh kryeministri serb Ivica Daçiq, në Forumin për Siguri, i cili po zhvillohet në Beograd. Kryeministri serb tha se "dialogu me Prishtinën për zgjidhjen e problemeve të të gjithë qytetarëve do të vazhdojë mbi bazat e Rezolutës 1244 të KS të OKB, me ndihmën e Bashkimit Evropian." Sipas tij, luftërat në Ballkan kanë përfunduar, ndërsa tani duhet parë mundësia për zgjidhjen paqësore të problemeve dhe çështjeve të hapura.

"Por secili që e njeh Ballkanin e di se konfliktet mund të rishpërthejnë në një të ardhme të largët", tha Daçiq. Sipas tij, Serbia është e përkushtuar për vazhdimin e dialogut mbi bazat e Rezolutës 1244.

Prioriteti kryesor i palës serbe zbatimi i marrëveshjeve të nënshkruara deri tani

Die Delegation des Kosovo in Brüssel bei der sechsten Runde der Verhandlungen (Dialog) zwischen Belgrad und Prishtina (Priština). DW/Marina Maksimovic Aufnahmedatum und -ort: 02. 09. 2011; Brüssel

Delegacionet e dialogut Beograd Prishtinë

Se kur do të vazhdojë ky dialog, në çfarë forme dhe në ç'nivel, nuk e di as Dejan Paviqeviq, shefi i ri i delegacionit serb në dialogun teknik me Prishtinën. Por menjëherë pas zgjedhjes në postin e deritanishëm të Borisllav Stefanoviq, ai tha se prioriteti kryesor i palës serbe do të jetë zbatimi i marrëveshjeve të nënshkruara deri tani.

"Unë do të vazhdoj të drejtoj zyrën për çështje operative në procesin e negociatave mes Beogradit dhe Prishtinës. Ndërsa prioriteti im kryesor do të jetë implementimi i marrëveshjeve", theksoi Paviqeviq. Sipas tij, Beogradi do të realizojë të gjitha marrëveshjet por "do të insistojë që disa marrëveshje të interpretohen në favor të Beogradit".

Implementimi i marrëveshjeve është në interesin e Serbisë

Paviqeviq ende nuk e di nëse do të vazhdojë dialogu teknik apo kjo çështje menjëherë do të ngrihet në nivel politik. "Mendoj se as brenda BE-së nuk ekziston një përfytyrim i qartë për vazhdimin e dialogut. Shpresoj se do të kemi një situatë më të qartë pas takimeve të presidentit Tomisllav Nikoliq në Nju-Jork me përfaqësuesen e BE-së Chaterine Ashton", tha ai.

Paviqeviq ka hedhur poshtë kritikat e Prishtinës se Serbia nuk po i realizon marrëveshjet e nënshkruara. Sipas tij, shumica e marrëveshjeve "është realizuar apo është në fazën përfundimtare të realizimit." Udhëheqësi i delegacionit serb në dialogun për çështjet teknike me Prishtinën është i bindur se implementimi i marrëveshjeve është në interesin e Serbisë. "Ndryshe Serbia do të futej në një lloj vetizolimi dhe do të humbte mundësinë e luftimit për mbrojtjen e interesave të serbëve në Kosovë", theksoi ai.