1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Bota

Bush sheh në të kaluarën e vet pa u penduar - Ish presidenti amerikan publikon memorjet

Në vendimet më të rëndësishme të karrierës, kam bërë edhe gabime shkruan ish-presidenti amerikan, George Bush në memuaret e tij që janë publikuar në Amerikë, por në fund të fundit nuk kam pse të fajësoj veten.

Ish presidenti amerikan publikon memorjet

Ish presidenti amerikan publikon memorjet

Për opinionin publik ai nuk e çan shumë kokën, kështu është shprehur disa herë ish-presidenti amerikan, George Bush. Megjithatë në librin e tij "Decision Points" - "Momente Vendimtare" ai kërkon mirëkuptim. Sepse në fund të fundit edhe ai shpreson që historianët kur të vijë dita, ta vlerësojnë si të "suksesshme" presidencën e tij. Kështu në rreth 500 faqe libër kujtimesh, ish-presidenti amerikan shkruan pse ai në momente shumë vendimtare të jetës sij, mori ato vendime që mori.

Këtu para së gjithash Bush pranon atë që provuar prej kohësh: Që Sadam Huseini nuk kishte armë të shkatërrimit në masë, që tërheqja e shpejtë e trupave amerikane në Irak, do të thoshte injorim të realitetit në vend. Por ai pranon edhe se ndihma për viktimat e uraganit Katrina mbërriti me shumë vonesë në vend.

"Waterboarding" ka shpëtuar jetë njerëzish

Edhe për metodën e waterboarding Bush deklaron se ai ka pranuar që ajo të aplikohet. Kjo "sepse avokatët i thanë që ajo nuk është torturë". Dhe në fund të fundit këshilltarëve iu duhet besuar, sipas Bushit. Mbytja e simuluar ka shpëtuar jetë njerëzish. Pasardhësi i Bushit, Barack Obama e ka ndaluar përdorimin e kësaj metode.

Ish presidenti amerikan George W. Bush

Ish presidenti amerikan George W. Bush

Në librin e tij ish- presidenti amerikan, Bush shkruan se ai mund të dalë edhe mbi opinionet e shtabit të tij këshillues. Kështu në 11 shtator 2001 kundër mendimit të shtabit të tij, ai këmbënguli të kthehej në Uashington. Ai nuk do fshihej në "ndonjë bunker", por fjalimin e tij drejtuar kombit do ta mbante nga Shtëpia e Bardhë, shkruan Bush - megjithëse nuk përjashtohej mundësia e atentati tjetër me avionë.

Air Force One pa sisteme moderne komunikimi

Interesant dhe shokues është edhe një detaj tjetër që sjell Bushi. Sistemi i komunikimit të avionit presidencial, Air Force One ka qenë kaq i vjetëruar, saqë ishte e vështirë, sipas Bushit të ishe gjithmonë aktual. Nuk kishte televizion satelitor në bord, çdo pesë minuta shkëputej lidhja me stacionet lokale. Edhe lidhjet telefonike me këshilltaren e tij për sigurinë, Condoleezza Rice dhe zëvendëspresidentin Cheney ndërpriteshin shpesh.

I zhgënjyer nga kancelari gjerman Schröder

Ndërkohë që për koalicionin e luftës në Afganistan, aleatët dhanë mbështetjen e tyre, për "koalicionin e të vendosurve" për luftën në Irak, nuk kishte shumë mbështetje. Bush përdor librin e tij për të larë hesapet me ata burra shteti, që e zhgënjyen hidhur asokohe. Ish-presidenti rus Vladimir Putin, ish-presidenti francez, Jacques Chirac dhe para të gjithëve kancelari Gerhard Schröder. Ky sipas Bushit "ka qenë më i vështiri për t'u kalkuruar nga burrat e shtetit". Ndërsa për kancelaren Merkel, Bush shkruan se ajo "ishte e besueshme, tërheqëse dhe e përzemërt".

Autor: Christina Bergmann/Lindita Arapi

Redaktoi: Aida Cama