1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Evropa

Brexit - Fitore apo humbje e pakthyeshme për britanikët?

Kush fiton e kush humbet në rast se britanikët i thonë "Jo" BE-së. Megjithëse shumica e qytetarëve në BE duan që Britania e Madhe të mbetet pjesë e unionit, vendimin e marrin britanikët më 23 qershor.

Berlin Anti-Brexit Aktion A Kiss for Europe - Ein Kuss gegen Hass

Puthja e lamtumirës apo e pajtimit?

Shumica e qytetarëve të BE-së duan që britanikët të mbeten pjesë e unionit, këtë konkluzion nxjerr një sondazh i fondacionit Bertelsmann, ku afro 60% e qytetarëve në vende të ndryshme të BE-së, e duan Britaninë e Madhe pjesë të saj.

Bezdia e britanikëve nga BE

Por cilat do të ishin avantazhet e britanikëve në rast të një largimi? Në rast se britanikët vendosin të dalin nga Bashkimi Europian fillimisht do të heqin mënjanë disa bezdi të vjetra për ta: Ata nuk do të duhet më të zbatojnë ligjet e BE-së që shpesh janë ndjerë si kufizime, nuk do të duhet të marrin emigrantë pa kufi, dhe nuk janë të detyruar më të paguajnë kontribute për shtetet e unionit që janë të zhytura në borxhe dhe aktualisht në krizë ekonomike. Kjo do të thotë që rreth 5 miliardë euro në vit do të mbeten në Britaninë e Madhe dhe nuk do të rrjedhin drejt Brukselit. Këtë shumë duhet ta kompensojnë shtetet e tjera anëtare të BE-së. Gjermania do duhej të paguante këtu kontributin më të madh.

Disavantazhet

Por "Jo"-ja e britanikëve nuk do të kalonte pa pasoja për këtë vend. Deri në vitin 2020, kështu vlerëson Dhoma Britanike e Industrisë (CBI), fuqia ekonomike e Britanisë së MAdhe do të dobësohet me 128 miliardë euro. Ishulli nuk ka më akses të garantuar tek një treg shumë i rëndësishëm, si tregu i Bashkimit Europian. Nga ana tjetër shumë firma do të largoheshin nga Britania e Madhe. Prodhuesit e makinerive si Nissan, nuk do mund të furnizonin Europën kaq thjesht si tani. Largimi i bizneseve mund t'u kushtonte britanikëve gati 1 milionë vende pune. Bankat ndërkombëtare do t'i kthenin kurrizin Londrës. Goldman Sachs do të shkonte në Frankfurt mbi Main-, sepse kjo bankë dëshiron të mbetet në BE. City - një nga bursat më të rëndësishme të botës do të humbiste peshën e sotme.

Britanikët duhet të të negocionin marrëveshje të reja me secilin vend të BE-së, kjo mund të zgjasë, dhe këtu britanikët janë partneri më i vogël 65 milionë banorë kundrejt 435 milionë banorëve të BE-së. Britanikët duhet të vendosin sërish doganat dhe kjo do t'i shtrenjtonte si importet ashtu edhe eksportet. Britania e Madhe do të humbiste 3,0 të prodhimit të brendshëm bruto. A ka fitues në rast të Brexit? Ekonomistët thonë jo. Si ekonomia e Britanisë së Madhe ashtu edhe BE do të humbisnin në rast se britanikët do të largoheshin, sepse BE humbet një partnere të fortë.