1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Evropa

Bilanc i presidencës së Sllovenisë në BE

Me Slloveninë presidenca në Bashkimin Evropian u morr për herë të parë prej një vendi, i cili së bashku me ish-shtete të tjera komuniste iu bashkangjit BE-së në vitin 2004.

default

Logoja e presidencës së Sllovenisë në BE

Si kryetarë të BE-së sllovenët kishin mundësinë t'i vinin vulën e tyre rendit të ditës në BE. Krejt në krye qëndronte politika ndaj Ballkanit dhe këtu republika që shtrihet midis Italisë, Austrisë dhe Kroacisë ka arritur mjaft. Por 'jo'-ja e irlandezëve ndaj marrëveshjes së Lisbonës bëri që BE-ja të rrëshqiste sërish në një krizë dhe e eklipsoi në fund premierën sllovene.


"Shumë faleminderit Slloveni"


Presidenti i Parlamentit Evropian falenderoi presidencën në Bashkimin Evropian për gjashtë muajt e fundit. Kjo është rutinë mirësjelljeje, dëgjohet gjatë çdo ndërrimi presidence, sado e mirë apo e keqe të ketë qenë puna e kryer. Ndoshta këtë herë himnet e lavdërimit kanë qenë pak më të sinqerta, mendon Jacki Davis e European Policy Center, një instituti kryesues politik në Bruksel: "Ajo që ata deshën dhe arritën të dëshmonin është që një vend anëtar i ri, i vogël mund ta ushtrojë kryesinë, që jo gjithçka shkon keq dhe që ata i përballojnë detyrat. Këtë ata e bënë dhe kjo është ajo që duhej pritur."


Sllovenia u angazhua energjikisht që Bashkimi Evropian të njihte pavarësinë e Kosovës dhe në të njëjtën kohë të vazhdonte të përgatiste terrenin për Serbinë në rrugën drejt BE-së. Megjithatë, në Kosovë nuk mundi ende të merrte përsipër mbikqyrjen, ashtu siç e përfytyronte Sllovenia. Për shkak të rezervave ruse BE-ja do të vazhdojë të veprojë nën ombrellën e Kombeve të Bashkuara. Pas zgjedhjeve të reja në Serbi gjendja atje është shtesionuar disi. Me Serbinë dhe Bosnjë Hercegovinën u nënshkruan marrëveshje stabilizim-asociimi, hapa të rëndësishëm drejt anëtarësimit në BE. Jacki Davis e European Policy Centre e regjistron politikën e Sllovenisë ndaj Ballkanit si sukses: "Dy ngjarjet e mëdha që e karakterizuan presidencën, ishin jashtë kontrollit të tyre. Pavarësinë e Kosovës e përcollën me mjeshtëri po të kihet parasysh se sa të ndara ishin shtetet anëtare në pyetjen e njohjes apo jo. Nën kushte të vështira ata punuan këtu mjaft mirë.


DW.COM

  • Data 27.06.2008
  • Autor Bernd Riegert
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/ES3m
  • Data 27.06.2008
  • Autor Bernd Riegert
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/ES3m