1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Ballkani

BE: Shqipëria dhe Bosnje-Hercegovina ende larg lirisë prej vizave

BE-ja po bën përpjekje edhe për të ndërmjetësuar në mosmarrëveshjen midis Kroacisë dhe të Sllovenisë për kufirin.

Komisioneri i BE-së për zgjerimin Olli Rehn (m) dhe ai EU për transportin Jacques Barrot gjatë një konference për Ballkanin

Komisioneri i BE-së për zgjerimin Olli Rehn (m) dhe ai EU për transportin Jacques Barrot gjatë një konference për Ballkanin

Ministrat e Jashtëm të 27 vendeve të BE-së janë mbledhur sot (15.06) në Luksemburg, ku ndër shumë çështje të tjera po diskutojnë edhe mbi afrimin e Serbisë me BE-në si dhe mbi heqjen e detyrimit për vizë për një sërë shtetesh pasuese të ish-Jugosllavisë.

Gjatë takimit do të bëhen gjithashtu përpjekje për të ndërmjetësuar në mosmarrëveshjen midis Kroacisë dhe të Sllovenisë për kufirin, e cila bllokon anëtarësimin e Kroacisë në BE.

Holanda, është kundërshtarja kryesore e zbatimit të marrëveshjes mes BE-së me Serbinë të nënshkruar në prill 2008, dhe thekson se do të votojë pro vetëm në rast se kryeprokurori i Gjykatës së Hagës për ish-Jugosllavinë, Serge Brammertz, i cili do të raportojë në këtë takim, do të dëshmojë se Serbia kooperon pa kufizime me këtë gjykatë.

BE-ja do të ripërsërisë në Luksemburg se në parim është e gatshme që duke filluar nga viti i ardhshëm për qytetarët e vendeve të Ballkanit të hiqen vizat, por kjo do të varet nga plotësimi i kushteve.

Sipas diplomatëve, deri tani në këtë drejtim kanë bërë përparime të mëdha Maqedonia, Serbia dhe Mali i Zi, ndërkohë që Shqipëria dhe Bosnje-Hercegovina janë më larg nga liria e vizave.

Autor: Pandeli Pani
Redaktoi: Aida Cama

  • Data 15.06.2009
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/I9ys
  • Data 15.06.2009
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/I9ys