BE kërkon tempo për Brexit | Evropa | DW | 13.06.2017
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Evropa

BE kërkon tempo për Brexit

Pas goditjes së konservatorëve në zgjedhjet në Britaninë e Madhe është i paqartë koha për fillimin e negociatave të Brexit. Por BE kërkon qartësi.

Bashkimi Europian dhe Britania e Madhe nuk kanë vendosur ndonjë datë konkrete për fillimin e negociatave të Brexit në bisedimet e para mes tyre, sipas diplomatëve të Brukselit. Por pas 19 qershorit do të duhej të flitej më konkretisht për kushtet e largimit të Britanisë së Madhe nga unioni. Tani për shkak të vështirësive në krijimin e qeverisë në Britaninë e Madhe duket se do të ketë shtyrje. Theresa May është e preokupuar me gjetjen e rrugëve të bashkëpunimit me partinë unioniste demokratike, DUP për krijimin e qeverisë së re.

"Nuk kemi kohë të humbasim"

BE paralajmëron nga shtyrja e negociatave për Brexit. Kryendërmjetësuesi i BE, Michel Barnier u shpreh për gazetën gjermane "Süddeutsche Zeitung" se tre muaj pas kërkesës për daljen nga unioni, britanikët "më në fund duhet të negociojnë". "Nuk kemi kohë të humbasim."

Barnier u shpreh se ka nevojë që në anën tjetër të tryezës të jetë një delegacion britanik që ka "një drejtues që është stabël, i përgjegjshëm dhe ka mandatin". Vonesat kanë pasoja për negociimin e marrëveshjes së tregtisë së lirë që dëshiron Britania e Madhe."

 

la/afp, dpa