1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Bota

BE kërkon reforma të shpejta në Egjipt

Zhvillimet dramatike në Egjipt shqetësojnë edhe BE-në. E ngarkuara e BE-së me politikën e jashtme Ashton të mërkurën i bëri thirrje presidentit Mubarak, të vërë sa më shpejt në rrugë një ndryshim politik në vend.

default

Përballë pamjeve të fundit nga Egjipti, Catherine Ashton, u ka bërë thirrje të gjitha palëve për përmbajtje dhe dialog. Ajo që filloi si protestë paqësore, po bëhet gjithnjë e më e dhunshme, tha Ashton në Bruksel. Numri i madh i të plagosurve dhe të burgosurve ngjall shqetësim. Kryediplomatja e BE-së u shpreh me fjalë të qarta: "Zoti Mubarak duhet t'i përgjigjet vullnetit të popullit. Demonstrimet janë shprehje e këtij vullneti. Dhe Mubarak duhet të mendojë me kujdes, se si mund të tregojë që po lëviz përpara."

Ägypten Kairo Proteste Mubarak Polizei Demonstration

Apelet për largimin e Mubarakut janë të shumta

"Ne duhet të shohim lëvizje dhe shumë shpejt", tha më tej Ashton, "për këtë nuk ka asnjë dyshim".

"Ne i bëjmë thirrje presidentit Mubarak të veprojë sa më shpejt të jetë e mundur."

Për shumë eurodeputetë ky apel nuk ishte i mjaftueshëm. Kështu mendon edhe Dany Cohn Bendit, kryetari i grupit parlamentar të ekologjistëve:

"Bëjini thirrje zotit Mubarak t'i japë fund sulmeve ndaj demonstruesve, pasi ai po e bën këtë që të pretendojë më vonë se duhet të rivendosë rregullin. Kjo është gracka, që ai po ngre tani."

Kryetari i grupit parlamentar të socialdemokratëve në Parlamentin Evropian, Martin Schulz, kritikoi kreun e BE-së. Ai shprehu keqardhje që megjithë apelet askush nuk ka udhëtuar për në Tunizi, apo Egjipt:

Tunesien Tunis Proteste Demonstranten fordern Rücktritt der Übergangsregierung

Demonstrata në Tunizi

"Njerëzit, të cilët demonstrojnë atje nëpër rrugë, njerëzit, të cilët drejtojnë këtë revolucion, ata kanë tjetër gjë në mendje nga shteti i Zotit. Ata duan laicizëm, duan demokraci civile. Ata janë partnerët tanë, me ata duhet të bashkëpunojmë. Ky është shansi i madh për Evropën."

Ashton ka njoftuar ndërkohë se pas dy javësh do të shkojë në Tunizi. Ahmed Ouneies, ministri i Jashtëm i Tunizisë, lëvdoi të mërkurën (02.02.) dinamizmin e kryediplomates së BE-së Ashton:

"Ajo ka ndërmarrë iniciativën dhe ishte e para, që na mori në telefon për të shprehur mirëkuptimin dhe solidaritet."

Ministri tunizian zgjodhi Brukselin si stacionin e parë të vizitës së tij jashtë vendit, për të dikuskutuar me Ashton mbi mbështetjen e mëtejshme në rrugën drejt demokracisë. BE i premtoi atij mbështetje në zgjedhjet e ardhshme, dhe në tranzicionin drejt demokracisë. BE premtoi edhe mbështetje për shoqërinë civile, luftën kundër korrupsionit dhe zhvillimin ekonomik dhe social.

Autor: Katrin Brand/Eliana Xhani

Redaktoi: Angjelina Verbica

  • Data 03.02.2011
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/109oJ
  • Data 03.02.2011
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/109oJ