1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

FOKUS

BE-ja synon njësimin e kritereve për rrethin e personave që mund të përfitojnë prej së drejtës së azilit

Ministrat e Punëve të Brendshme të vendeve të BE-së takohen sot (25.1.) në Brdo në afërsi të Ljubljanës për të diskutuar në lidhje me politikën e azilit dhe të emigrimit pas zgjerimit të zonës së Shengenit.

default

Frank Fratini komisioneri i BE-së për çështjet e brendshme dhe drejtësinë

Vitin e kaluar humbën jetën në përpjekje për të depërtuar në Evropë përmes Detit Mesdhe rreth 2.000 vetë. Atyre që arritën ta shkelnin tokën e kërkuar u duhej të kalonin një kalvar të tërë burokracish që lidhen me statusin e azilantit.

Në BE ekziston vërtet që prej vitit 2005 një ligj i përbashkët për azilin, por shumë vende nuk e kanë adaptuar atë ende në legjislacionet e tyre kombëtare. Pikërisht problemet me të cilat u duhet të ndeshen vendeve të ndryshme në lidhje me politikën e azilit janë në qendër të vëmendjes së takimit të ministrave të punëve të brendshme të vendeve të BE-së në Brdo në afërsi të kryeqytetit slloven Ljubljanës. Sipas fjalëve të një zëdhënësi Komisioni i BE-së ka vendosur që deri në veri të përpunohen propozimet e reja, dhe të bëhen ndryshime te ato ekzistueset sidomos në lidhje me personat që kanë nevojë për mbrojtje të posaçme.

Flüchtlinge in einem Thunfisch-Netz vor Malta

Regugjatë në rrjet peshku pranë brigjeve të Maltës

Pas zgjerimit të Shengenit dyfishohen azilkërkuesit

Aktivizimi i Komisionit të BE-së lidhet sidomos me problemin e shtimit të numrit të azilkërkuesve pas zgjerimit të zonës Shengen drejt lindjes. Në Austri p.sh. vetëm katër javë pas hapjes së kufijve lindorë numri i azilkërkuesve është dyfishuar. Edhe në kufirin lindor të Polonisë po shtohet rrjedha e emigrantëve sidomos nga Çeçenia. Sapo hyjnë në Poloni ata përpiqen të shkojnë në ato vende të BE-së, në të cilat u njihet azili, gjë që është kundër ligjit, sepse sipas ligjit për azilin, kërkesa për azil duhet bërë në vendin ku personi shkel për herë të parë territorin e BE-së.

Komisioni i BE-së synon që me ligjin e ri për azilin t'u presë rrugën ndryshimeve në këtë ligj në vendet e ndryshme anëtare. Vëmendje e veçantë do t'i kushtohet njësimit në të gjitha vendet e BE-së të kritereve, se cilët persona mund të përfitojnë prej së drejtës së azilit dhe cilët jo.

  • Data 25.01.2008
  • Autor Irmtraud Richardson
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/CxZc
  • Data 25.01.2008
  • Autor Irmtraud Richardson
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/CxZc