1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Ballkani

Bashkëpunim me përfitime dypalëshe

Komunat ndërkufitare të Maqedonisë e Shqipërisë, rajoni i Pollogut dhe rajoni i Korçës për herë të parë aplikojnë për projekte të përbashkëta në fondet IPA të BE-së. Bashkëpunimi ndërkufitar ka përparësi në këtë drejtim.

Për herë të parë dy komuna nga Shqipëria dhe Maqedonia, konkurrojnë bashkarisht për të fituar nga fondet evropiane IPA. Komuna e Drenovës në Korçë dhe Komuna e Tetovës në Maqedoni, do të konkurrojnë  me një projekt në kuadër të bashkëpunimit ndërkufitar në komponentën e dytë  të fondeve IPA, për  hartimin e planeve urbanistike që do të ndikojnë drejpërdrejt në zhvillimin ekonomik dhe të turizmit në këto rajone.

Fatmir Izairi, kryetar i Këshillit të Rajonit të Pollogut vlerëson këtë bashkëpunim. "Rajoni i Korçës, bashkë me rajonin e Pollogut do të aplikojnë bashkarisht për një shumë prej 400 mijë eurosh për hartimin  e planeve urbanistike. Kusht për përfitimin e fondeve është që vendet të jenë të urbanizuara. Komponente është zhvillimi ekonomik me theks të veçantë zhvillimin e turizmit”.

Tetova

Tetova

Mungon përvoja për aplikimet

Komunat si në Shqipëri ashtu edhe në Maqedoni nuk e njohin mirë punën përgatitore për aplikimet me projekte konkrete për thithjen e fondeve IPA. Përvoja në këtë drejtim mungon. Iniciativa e Qendrës rajonale për zhvillim  të Pollogut, është e para e këtij lloji që i hap rrugën edhe projekteve të tjera të rëndësishme të bashkëpunimit ndërkufitar. “Komuna e Tetovës me ekspertët e saj urbanistikë, do të veçojë zonat turistike, në të cilat ka mungesë të planifikimit hapësinor, për ato zona duhet të hartohet plani urbanistik dhe kështu do të kemi impaktin e dëshiruar të zhvillimit ekonomik dhe  turistik në rajonin e Sharit”, thotë Abdyl Emini, drejtor i Qendrës së Pollogut.

Kryetarët e komunave vlerësojnë se bashkëpunimet e tilla ndërkufitare janë mënyra e vetme për të përfituar fonde evropiane. Bashkëpunimi i tillë thyen barierat ndëkufitare mes vendeve të  rajonit dhe për ne është mjaft i rëndësishëm, sepse në këtë rast, në të dyja anët e kufirit jetojnë shqiptarë, është i mendimit Sadi Bexheti kryetar i Komunës së Tetovës. "Ky bashkëpunim në struktura të gjëra, jep mundësi për qasje më të madhe në fondet e IPA-s, ku bashkëpunimet ndërkufitare kanë përparësi. Kjo i hap rrugë bashkëpunimit të domosdoshem të Maqedonisë edhe me Shqipërinë dhe Kosovën”.

Nga bashkëpunimi ndërkufitar qytetarët shpresojnë shumë

Nga bashkëpunimi ndërkufitar qytetarët shpresojnë shumë

Shpresat nga bashkëpunimi ndërkufitar të mëdha

Ndërsa Flamur Sala, kryetar i Komunës së Drenovës, kritikon faktin që në Shqipëri nuk kan plan urbanistik, pas ndryshimit të ligjit për urbanizëm dhe komunat në përgjithësi. Një nga qëllimet e ardhjes në Tetovë është përfitimi në projektet e përbashkëta Maqedoni-Shqipëri“, thotë Sala. Maqedonia shpreson që realizimi i këtij projekti të parë t'u hapë dritën jeshile projekteve edhe nga komunat e tjera të Maqedonisë, Kosovës dhe Shqipërisë, jo vetëm në zhvillimin e turizmit, por edhe në të gjitha komponentet  e tjera që kërkohen nga IPA. Komunat e rajonit të Pollogut janë të interesuara për tërheqjen e mjeteve financiare ngaa fondet evropiane përmes bashkëpunimit ndërkufitar.

Autor: Fatos Musliu

Redaktoi: Lindita Arapi