190512 G8 2 Griechenland

Krerët e shteteve dhe të qeverive evropiane që marrin pjesë në takimin e G8 në SHBA iu desh të justifikohen për atë që një vend që kontribuon vetëm me rreth dy për qind të prodhimit ekonomik në zonën e euros, po e trondit vazhdimisht eurozonën dhe monedhën e përbashkët duke shkaktuar pasiguri në mbarë botën.

Nga ambientet ku po zhvillohet samiti i G8 përfaqësuesit e  BE-së dhe Krerët e shteteve dhe të qeverive evropiane u bënë thirrje liderëve të partive në Greqi që të respektojnë marrëveshjet me donatorët ndërkombëtarë.

Presidenti i Komisionit të BE -së Jose Manuel Barroso tha: "Ne nuk kemi komentuar ndonjëherë një plan B. Ne jemi duke punuar për planin A - plani A do të thotë që Greqia do të vazhdojë të mbetet në zonën e euros dhe Greqia do të vazhdojë të përmbushë detyrimet e saj"

Kjo deklaratë e presidentit të Komisionit të BE -së Jose Manuel Barroso kishte të bënte sidomos me një deklaratë të mëparshme të komisionerit të BE-së për të Çështjet Tregtare, belgut Karel De Gucht, e cila  kishte shkatuar irritime. Karel De Gucht kishte thënë se BE-ja ka edhe skenare në të cilat parashikohet dalja e Greqisë nga eurozona.

Ndërkohë mësohet se Fondi Monetar Ndërkombëtar i ka pezulluar kontaktet e tij zyrtare me Athinën deri në zgjedhjet parlamentare. Ekspertët e FMN-së do të kthehen në Greqi vetëm pas 17 qershorit dhe nuk do të bashkëpunojnë me qeverinë kalimtare, bëri të ditur një zëdhënës në Uashington. Fondi Monetar është krahas BE-së paradhënësi më i rëndësishëm i vendit të zhytur thellë në borxhe. Në vitin 2010 FMN iu bashkua paketës së ndihmës për Greqinë me një kredi në vlerë 30 miliardë eurosh.