1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Ballkani

Bamir Topi: Reforma në drejtësi pa ndërhyrjet e politikës

Reforma në drejtësi nuk mund të bëhet me imponim nga klasa politike ka deklaruar Presidenti i Shqipërisë, Bamir Topi në një takim të përbashkët të Këshillit të Lartë të Drejtësisë dhe anëtarëve të Gjykatës së Lartë.

default

Presidenti Bamir Topi

Me mandatin e kryetarit të Këshillit të Lartë të Drejtësisë, presidenti Bamir Topi, ka folur të enjten në Tiranë për reformën në drejtësi. I duhet prerë rruga ndërhyrjeve të politikës dhe interesave momentale, ka thënë ai. Presidenti ka vënë gishtin dhe tek e meta që është e dukshme në sistemin e drejtësisë, moskooperimi mes strukturave brenda sistemit. Ai ka bërë fjalë për realizimin e një reforme integrale, vizionare dhe komplekse, gjatë takimit të përbashkët mes anëtarëve të Këshillit të Lartë të Drejësisë dhe Gjykatës së Lartë.

Defekti në drejtësi: Moszbatimi i vendimeve të gjykatave

Presidenti Topi ka përmendur një nga aspektet me të dobëta të shoqërisë shqiptare, moszbatimin e vendimeve të gjykatave të çdo niveli, madje dhe kur ato janë të formës së prerë. "Në bazë të statistikave më të fundit që janë të azhornuara dalin se 3/5 e vendimeve të gjykatave, ose 8868 çështje nuk janë ekzekutuar, madje edhe kur vendimet kanë qënë të formës së prerë. Kjo është skandaloze", sipas presidentit Topi.

Zentrum von Tirana Albanien

Tirana

"Nga informacionet që kam edhe në raste kur jepet vendimi i formës së prerë ka ndërhyrje nga institucionet për t'i trajtuar ato administrativisht. Ku është shteti në këtë mes?" Presidenti Topi i ka drejtuar apel të faktorëve të përfshirë të reagojnë me përgjegjësi.

Presidenti bëri referenca me treguesit e raportit të fundit të Komisionit Europian, ku flitet dhe për ecurinë e reformave në sistemin e drejtësisë. Sipas tij ky raport ishte realist dhe se krahas nxjerrjes së mjaft aspekteve pozitive është theksuar se vendi ka ende shumë punë për të bërë në plotësimin e objektivave madhore të anëtarësimit në NATO dhe në BE.

  • Data 20.11.2008
  • Autor Arben Muka
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/Fyfn
  • Data 20.11.2008
  • Autor Arben Muka
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/Fyfn