1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

1914 - Lufta e I Botërore

Bajerni fiton kundër Manchester United

Bajerni i Mynihut i ruajti shanset për gjysmëfinalen e Champions League-s. Mbajtësi i numrit rekord të titujve kampion në Gjermani arriti një fitore 2:1 në ndeshjen e vajtjes së çerekfinaleve kundër Manchester United

default

Ivica Olic, djathtas, i Bajernit dhe Rio Ferdinand i Mançesterit

"Besoj se e dominuam lojën. Natyrisht që edhe Manchesteri pati raste. Sikur Wayne Rooney të realizonte shansin për të kaluar në pjesën e parë në avazntazh me rezultat 2:0, atëherë do të bëhej shumë e vështirë për ne. Por besoj se loja jonë ishte e kontrolluar dhe ne krijuam raste shënimi. Dhe gjithmonë kisha ndjenjën që do të shënonim një gol. Se do të shënonim edhe një të dytë këtë natyrisht nuk e mendoja", u shpreh kapiteni Mark van Bommel:

Niederlande Fußball Mark Van Bommel

Mark van Bommel

Ekipi anglez kaloi në epërsi që në minutën e dytë me anë të Wayne Rooney-t pas një gabimi të argjentinasit Martin Demichelis. Bavarezët ushtruan trysni në pjesën e dytë dhe barazuan në minutën e 77-të me anë të një goditjeje dënimi të devijuar të francezit Franck Ribery. Në kohën shtesë Ivica Olić shënoi golin e fitores së merituar.

"Sot e merituam në fund. Ishte një lojë shumë e mirë për mendimin tim. Bëra gol në minutën e fundit. Isha jashtë mase i lumtur. I gjithë ekipi ka luajtur shumë shumë mirë."

Fußball Bayern München Manchester United

Franck Ribery, djathtas, i Bajernit dhe Nani i Mançesterit

Bavarezëve iu mungonte në ndeshjen e 350-të për kupat e Evropës ylli i tyre i lënduar Arjen Robben. Ata shpresojnë që holandezi të aktivizohet në ndeshjen e kthimit të mërkurën e javës së ardhshme në Mançester.

Takimi i dytë i mbrëmshëm, dueli francez Olympique Lyon - Girondins Bordeaux, përfundoi 3:1.

Autor: Arnulf Boettcher/Elert Ajazaj

Redaktoi: Angjelina Verbica

  • Data 31.03.2010
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/Miqw
  • Data 31.03.2010
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/Miqw