1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Ballkani

Atmosferë e mirë - Presidenti gjerman Köhler takohet me studentë kroatë

Presidenti gjerman Köhler u takua gjatë ditës së dytë të vizitës së tij në Kroaci me studentë kroatë që studiojnë gjermanistikë. Köhler theklsoi gjatë bisedave me studentët se fqinjët nuk duhen harruar kurrë.

Presidenti gjerman Köhler me studentë kroatë në Zagreb, 15 prill 2008

Presidenti gjerman Köhler me studentë kroatë në Zagreb, 15 prill 2008

Presidenti gjerman ishte në formë të mirë e gjithë humor gjatë takimit që zhvilloi me rreth 40 studentë kroatë. Ai tregoi për karrierën e tij si politikan, tregoi se nuk është penduar ndonjëherë për vendimet që ka marrë dhe se e ushtron me dëshirë profesionin e tij. Sidomos tregimet e tij se si mundi të bëjë karrierë duke rrjedhur nga një familje e varfër, i impresionoi studentët kroatë: "Komentet e tij më impresionuan. Ai tregoi shumë episode nga jeta e tij dhe mesa duket ai ka përjetuar shumë gjëra. Mua më pëlqeu sidmos mqnyra e tij e shpenguar."

Përsa i përket interesit të madh të kroatëve për t´u bërë pjesë e BE-së, Köhler theksoi se nuk duhen harruar fqinjët e drejtpërdrejtë dhe se të rinjtë duhen të shkembehen me njëri-tjetrin, në mënyrë që armiqësitë e vjetra të zhduken. Ai tha se e kupton përse kroatët janë krenarë që janë kroatë, por se komunikimi me fqinjët është shumë i rëndësishëm. Studentët i dhanë të drejtë presidentit gjerman por theksuan se kjo gjë nuk është gjithmonë e lehtë: "Kur shohim jashtë dritares, shikojmë drejt Gjermanisë dhe Austrisë. Tek vendet fqinje nuk para shohim. Ekziston një ndjenjë ndoshta jo zënke, por sidmoqfotë historia luan rolin e vet edhe tek rinia, për shkak të familjeve apo edhe televizionit që pasqyron ngjarjet politike."

Asnjëherë më luftë - ky është motivi më i mirë në jetë, tha Köhler. Ai e ka përjetuar vetë Luftën e Dytë Botërore si fëmi që duhet të arratisej nga Evropa së bashku me familjen e tij. Liria, si për shembull liria e lëvzijes, nuk është e vetëkuptueshme por një e drejtë e madhe, të cilën disa herë rinia nuk e vlerëson siç duhet. Në fund të bisedimeve, presidenti gjerman u dha stundetëve nga vendi që së shpejti do të antarësohet në BE një këshillë atërore: arsimohuni, gjithnjë të interesuar dhe mos i humbisni kurrë shpresat!

  • Data 16.04.2008
  • Autor Verica Spasovska
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/Diy9
  • Data 16.04.2008
  • Autor Verica Spasovska
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/Diy9