1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Studimi në Gjermani

Atentati i talibanëve gjatë paradës së ushtrisë goditje e rëndë për Presidentin Karzai

Në shtypin gjerman komentohet atentati ndaj presidentit të Afganistanit Hamid Karzai

default

Imazhe nga tribuna në kohën që zhvillohej parada ushtarake në Kabul, ku ndodhi atentati ndaj presidentit Karzai 27prill 2008.

"Allgemeine Zeitung" komenton: "Goditjet me armë zjarri të së dielës janë një tjetër gur në mozaikun e taktikës së shkatërrimit dhe lodhjes së ngadalshme që ndjekin talebanët dhe momenti ishte zgjedhur qëllimisht. Vetëm katër javë më parë Kazai kishte premtuar në Konferencën e NATO-s në Bukuresht, se forcat e sigurisë afgane do të merrnin përgjegjësinë ushtarake për Kabulin. Ai vetë la të kuptohet se do të rikandodojë në zgjedhjet e vitit 2009."


"Der Neue Tag" vëren: "Atentati i talebanëve gjatë kohës që ushtria afgane zhvillonte paradën ishte një goditje e rëndë për Presidentin Karzai. Edhe në kryeqytetin e vendit të tij, i rrethuar nga 3000 ushtarë presidenti afgan nuk është i sigurtë. Shumë i hidhur fakti që ushtarët u larguan në panik, kur talebanët filluan sulmin e tyre të armatosur. Kështu pamjet tregojnë se edhe pas gjashtë vitesh në pushtet, Karzai nuk është zot në vendin e tij."

Duke marrë shkas nga sulmi ndaj Karzait gazeta "Neue Westfälische" i referohet aferës së përgjimit nga Shërbimi Kombëtar Informativ i Gjermanisë dhe shkruan: "Një anëtar tjetër i qeverisë afgane u vu në pozitë të vështirë dhe këtë do ta shfrytëzojnë talebanët për propagandën e tyre duke thënë: shihni perëndimorët nuk kanë besim as tek njerëzit e tyre. Ministri i tregtisë, Amin Fahrang është përgjuar për një kohë të gjatë nga Shërbimi Kombëtar Informativ gjerman dhe kjo është e mjaftueshme për të përkeqësuar marrëdhëniet gjermano-afgane edhe pse qeveria federale në Berlin betohet për të kundërtën. Fahrang ka jetuar për një kohë të gjatë në Gjemani dhe me përgjimin që i është bërë ka humbur shumë në opinionin publik. Kjo ka shumë influencë në atdheun e tij."


Ndërsa "Thüringer Allgemeine" komenton: "As festimi i përvjetorit të rrëzimit të qeverisë afgane, që mbështetej dikur nga Bashkimi Sovjetik nuk arriti të afrojë qeverinë e sotme me talebanët. Parada tradicionale në Kabul përfundoi me përleshje të armatosura. Kështu të dyja krahët demonstrojnë forcën e tyre ushtarake. Sigurisht që pas ngjarjes presidenti Karzai u mundua ta relativizonte sulmin. Por edhe pse ai vetë dhe përfaqësuesit e huaj të trupit diplomatik nuk u plagosën gjatë këtij sulmi, talebanët arritën edhe një herë të jenë objekt bisedash në mbarë botën."


  • Data 28.04.2008
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/Dpan
  • Data 28.04.2008
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/Dpan