1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Studimi në Gjermani

Arsyet e humbjeve të laburistëve në zgjedhjet lokale

Cila është arsyeja për rënien e furishme? Natyrisht një rol luan seria e pandërprerë e gabimeve dhe gafave, natyrisht gjendja keqësohet prej faktit që britanikët janë papritur ekonomikisht në një gjendje më të keqe.

default

Kryeministri britanik Gordon Brown pranon disfatën në zgjedhjet komunale

Münchner Merkur: Anija qeveritare nuk lundroi vetëm në luftën e Irakut me kurs të gabuar: Me det të vështirë kapiteni Brown po lufton edhe në fushën e tij fillestare, ekonominë. Kriza financiare mbarëbotërore i ka arritur britanikët, por ish-zotit të stërlinës nuk i vjen në mend ndonjë recetë bindëse. Dhe atje ku paraardhësi Blair përhapte karizmën e tij legjendare, Brown-i që vepron pa fat ngjall vetëm keqardhje të ligë. Partia Laburiste mund ta kuptojë votën e mosbesimit të zgjedhjeve komunale si sinjal starti për një debat të pamëshirshëm mbi të ardhmen e figurës së saj udhëheqëse.


Ndërsa Frankfurter Rundschau gjykon: Asnjë fjalë zbukuruese nuk mund të gënjejë për faktin që Labour-it po i rrëshqet nga duart pushteti në vend. Shtresat qytetare që Blair-i diti t'i lidhte me Partinë Laburiste, po kthehen tek konservatorët. Në të njëjtën kohë Labour-i e ka të vështirë të tërheqë në vendvotime votuesit besnikë. Që punët do të shkonin kaq shpejt tatëpjetë, këtë natyrisht nuk e prisnin edhe përkrahësit e Brown-it. Tani kryeministri duhet të ketë frikë që partinë e tij ta përfshijë paniku dhe të shpërthejnë beteja të rrepta në lidhje me orientimin.


Në mbyllje Main Echo: Cila është arsyeja për rënien e furishme? Natyrisht një rol luan seria e pandërprerë e gabimeve dhe gafave, natyrisht gjendja keqësohet prej faktit që britanikët janë papritur ekonomikisht në një gjendje më të keqe sesa nën drejtimin e Blair-it. Por arsyeja vendimtare për mungesën e popullaritetit të Brown-it ka karakter psikologjik. Qëkurse Brown-i hoqi dorë prej zgjedhjeve të parakohshme ai konsiderohet në opinionin publik si frikacak, i pavendosur dhe diplomat. Veç kësaj ai duket i mëngjarash deri turivarur dhe rrallë i entuziazmon njerëzit.

  • Data 04.05.2008
  • Autor Ajazaj, Elert
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/Dso9
  • Data 04.05.2008
  • Autor Ajazaj, Elert
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/Dso9