1. Kalo tek përmbajtja
  2. Kalo tek lista qendrore e navigimit
  3. Kalo tek më shumë oferta të DW

Arcandori nuk kishte të ardhme në formën aktuale

10 Qershor 2009

Shtypi mbi hapjen e procedurës së falimentimit të koncernit Arcandor

https://p.dw.com/p/I6em
Fotografi: AP

Për çeljen e procedurës së falimentit për koncernin tregtar dhe turistik Arcandor, në gazetën KÖLNSICHE RUNDSCHAU ndër të tjera lexojmë:

"Falimenti i Arcandorit është i hidhur për të punësuarit - por është megjithatë zgjidhja e duhur. Sepse koncerni tregtar dhe turistik nuk kishte të ardhme në formën aktuale. Këtë e pranoi edhe qeveria gjermane: kur pronarët nuk ishin të gatshëm ta ndihmonin me para të tjera sipërmarrjen e tyre, pse duhet ta bënte këtë takspaguesi? Tani pritet që koncerni Arcandor të copëtohet, tani pritet që shumica e 43 mijë vendeve të punës prej degëve për të cilat koncerni ka shpallur faliment, të eleminohen. Megjithatë besohet, se kjo është zgjidhja më e qëndrueshme. Sepse për pjesë të mëdha të koncernit, me siguri që do të paraqesin interesin e tyre të administratori i falimentit të interesuar me potencë. Vec kësaj, qeveria gjermane dëshiron t'i ndihmojë të punësuarit - në çfarëdo forme qoftë."


GENERAL ANZEIGER që botohet në Bon shtron pyetjen:

"A do t'u sjellë me të vërtetë shpëtim ndihma shtetërore punonjësve të Opelit dhe të Arcandorit? Ndihma e emergjencës, siç mund të jetë ndihma shtetërore mbivlerësohet përsa i përket rëndësisë. Për sa kohë do të jenë të sigurta vendet e punës të subvencionuara me para taksash? Dhe cilat vende të tjera pune te konkurenca bëhen të pasigurta në këtë mënyrë? Në garë duhet të dalë fitimtar më i miri. Po të mos funksionojë më kjo, shpejt do të tronditen të gjitha. Sado paradokse që të tingëllojë: një ekonomi tregu arrin të mbijetojë vetëm atëherë kur ka edhe falimentime." (aud/dpa/aca)