1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Ballkani

Analistët për fushatën parazgjedhore në Maqedoni

Krahas zgjedhjeve presidenciale më 22 mars në Maqedoni mbahen edhe zgjedhjet lokale. Analistët vlerësojnë progresin në nivelin demokratik të fushatës parazgjedhore, por theksojnë se zgjedhjet lokale kanë mbetur në hije.

Kandidatë për president Ivanov, Boskovski dhe Frckoski

Kandidatë për president Ivanov, Boskovski dhe Frckoski

Më 22 mars Maqedonia zgjedh Presidentin e ri të vendit si dhe kryetarët e 84 komunave dhe të Kryeqytetit, Shkupit. Në garën për president kanë hyrë shtatë kandidatë, katër maqedonas dhe tre shqiptarë, ndër të cilët është dhe e vetmja femër që konkuron për këtë post. "Numri i madh i kandidatëve për president shteti e bën këtë fushatë parazgjedhore të veçantë, por edhe shkalla e lartë e arsimit të tyre, sepse katër prej shtatë kandidatëve janë profesorë universiteti dhe doktorë shkencash," shprehet analistja Biljana Vankovska, duke shtuar se nga ky kalibër i lartë i kandidatëve do të kishim pritur një fushatë zgjedhore më inventive sa i përket këmbimit të tezave, programeve dhe argumentave dhe jo akuza ndaj njëri tjetrit e aq më pak deklarata skandaloze.

Imer Selmani, kandidon për president

Imer Selmani, kandidon për president

Në garën për kryetarë komunash kanë hyrë 700 kandidatë dhe disa mijë për Këshillat e Komunave. Kandidatët për kryetarë komunash gjatë kësaj fushate kanë ngelur nën hijen e kandidatëve presidencialë dhe liderëve të tyre partiakë, ndërsa shumë pak është elaboruar edhe tema e decentralizimit, që për analistin Jeton Shasivari paraqet një pikë të dobët të fushatës. "Specifika në këto zgjedhje qëndron edhe aty se për herë të parë në historinë e Maqedonisë një kandidat i cili nuk është etnikisht maqedon, që në rrethin e parë merr përkrahje të madhe nga gjithë qytetarët," thekson analisti Mersel Bilalli, duke shtuar se përkrahja vjen jo vetëm nga shqiptarët, romët, boshnjaktë e turqët por edhe nga një pjesë e mirë e votuesve të etnitetit Maqedon.

Kandidatja për presidente Miruse Hoxha

Kandidatja për presidente Miruse Hoxha

Presidentë të mëparshëm të Maqedonisë ishin Kiro Gligorov dy mandate, Boris Trajkovski një mandat, i cili humbi jetën në aksident ajror dhe presidenti aktual, Branko Cërvenkovski. Gjasa reale për të hyrë në rrethin e dytë zgjedhor ka kandidati Gjorgje Ivanov, vlerëson Vankovska, ndërsa sipas saj beteja do të zhvillohej ndërmjet kandidatit Fërçkovski dhe Selmani. "Mendoj se Immer Selmani paraqet një freski të madhe në këtë fushatë. Impresioni im është se ai ka aftësi për një komunikim të lartë politik. Nëse ai hyn në rrethin e dytë zgjedhor do të duhej pak a shumë të ndryshojë fushatën, por edhe të tregojë pak agresivitet sa i përket fitimit të votave."

Këto zgjedhje vijnë ende pa u mbushur një vit nga zgjedhjet e përgjithshme që u cilësuan si "problematike," nga përfaqësues ndërkombëtarë. Prandaj ky proces zgjedhor konsiderohet si shumë i rëndësishëm për të ardhmen euro-atlantike të vendit.

Autor: Qerimane Bekteshi

Redaktoi: Aida Cama





  • Data 18.03.2009
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/HEul
  • Data 18.03.2009
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/HEul