1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Ballkani

1244 sundon ende në Kosovë

Në Kosovë vazhdon ende të jetë në fuqi rezoluta 1244 e Këshillit të Sigurimit, përderisa misioni i ri i BE-së, të marrë përgjegjësitë në fushën e sundimit të ligjit.

Pllakatë - Kosovë

Pllakatë - Kosovë

Administrata ndërkombëtare në Kosovë, vazhdon të punojë në bazë të rezolutës 1244 dhe ende nuk ka filluar të transferojë përgjegjësitë as te autoritetet vendore e as te misioni i ri i BE-së. Kjo periudhë kërkon deri në katër muaj kohë, kur misioni i BE-së të marrë përgjegësitë në sundimin e ligjit, ndërsa autoritetet vendore në fusha tjera. Misioni i BE-së, i koduar me emrin EULEX, do të ketë mbi 1800 pjesëtarë. Ata nuk kanë ardhut që të gjithë në Kosovë, ndërsa një pjesë e tyre, që filloi të akomodohet në veri të Kosovës tashmë është tërhequr për shkak të situatës së tensionuar që po mbretëron nga protestat e serbëve kundër pavarësisë së Kosovës dhe kundër misionit të BE-së.

Ushtarë të KFOR -it duke parë djegien e stacioneve kufitare me Serbinë

Ushtarë të KFOR -it duke parë djegien e stacioneve kufitare me Serbinë

Kryesuesi i misionit, Peter Faith, megjithë kundërshtimin e serbëve e ka bërë të qartë se misioni do të shtrihet në të gjith teritorin e Kosovës. "Eshtë përkushtim i komunitetit ndërkombëtar që të shtrijë prezencën e misionit atij civil dhe policor në të gjith teritorin e Kosovës. Pra më këtë nënkuptoj se misioni i BE-së do të shtrihet edhe në veriun e Kosovës," thotë Peter Faith, duke u bërë thirrje serbëve që jetojnë në Kosovë, që të integrohen në shoqërinë kosovare sepse vendi i tyre është në Kosovë.

Pieter Feith

Pieter Feith

Pjesëtarët e komunitetit serb në veri të Kosovës që nga përfundimi i luftës kanë ushtruar strukturat e tyre paralele, duke mos e respektuar rezolutën 1244, të KS-it. Mirëpo, pas shpalljes së pavarësisë, tashmë ata kërkojnë respektimin e kësaj rezolute, madje edhe protestat kundër pavarësisë i fillojnë çdo ditë në orën 1244, një simbolikë kjo në favor të rezolutës së KS-it. Sidoqoftë, ekspertët juridik akoma nuk e kanë shumë të qartë se si do të veprohet në mënyrë që në Kosovë të ketë një pushtet ekzekutiv në të gjithë territorin e saj. Tash për tash, ata thonë se në Kosovë ka tri pushtete legjitime, UNMIK, EULEX dhe qeveria e Kosovës, ndërsa në veri të vendit ka struktura paralele serbe, të cilët cilësohen jo legjitime. Analistët thonë se tash për tash e rëndësishme është që në Kosovë të mbretërojë qetësia, në këto ditë të para të pavarësisë ndërsa, gradualisht kompetencat e secilit mekanizëm do të vendosen në vendin e vet, ashtu siç e parasheh edhe plani i statusit i ndërmjetësit, Marti Ahtisari.

  • Data 26.02.2008
  • Autor Bekim Shehu / Prishtinë
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/DDOp
  • Data 26.02.2008
  • Autor Bekim Shehu / Prishtinë
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/DDOp