1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Evropa

1 Maji në Greqi: Kriza e borxheve, demonstrata dhe incidente

Dita Ndërkombëtare e Punës në Greqi u shënua me protesta kundër planeve të qeverisë së Papandreut dhe incidente të dhunshme. Autonomët sulmuan policinë dhe ekipet televizive.

default

Incidente në Athinë

Në Athinë ishin lajmëruar demonstrata të njëkohshme të tri grupeve, të cilat i bashkonte vetëm protesta kundër kursit të qeverisë për kursime. Ndryshe, komunistët, nëpunësit e sindikatave dhe e majta e bashkuar nuk duan t'ia dinë shumë për njëri -tjetrin. Të shtunën këto grupe parakaluan të ndara nëpër rrugë. Më shumw pjeswmarrws kishte në demonstratën e komunistëve. Sekretarja e përgjithshme e tyre Aléka Paparíga kërkoi kryengritje kundër sistemit politik.

„Ka ardhur koha e Partisë Komuniste. Ne jemi në këtë luftë së bashku me frontin e gjerë popullor të punëtorëve dhe bujqve. Kjo luftë ka për qëllim një ndryshim të madh radikal. Prandaj ekziston shpresa që të përmirësohet gjendja e punëtorëve", tha ajo.

Rritja e sërishme e tatimeve në vlerë dhe heqja e rrogave të 13 dhe 14 në shërbimet publike, janë vetëm dy nga pikat e shumta të planit të qeverisë për kursime. Ajo do që ky plan të zbatohet sa më parë, me qëllim që të mundësohet marrja e kredive në vlerë prej miliarda eurosh.

Griechenland Proteste Finanzkrise

Zjarre në rrugë

Pritjet e planit dhe kontradiktat

Programi i plotë i kursimeve duhet ë paraqitet zyrtarisht më së largu deri të dielën (2.5.). Por që tani është e qartë se Papandreu nuk do ta ketë lehtë ta bindw popullin e vet për nevojën e kursimeve. Gazeta greke „To Vima“ të shtunën ka botuar një anketë në të cilën gati 80 për qind e grekëve deklarohen kundër planit të kursimeve. Paradoksi qëndron në faktin se 84 për qind prej tyre e shohin këtë krizë si "shans të madh" për reformimin dhe modernizimin e Greqisë.

E majta radikale e Greqisë është e mendimit se këto reforma duhet të fillojnë prej më të pasurve në këtë vend. Kryetari i saj, Alexis Tsipras deklaroi gjatë demonstratave në Ahinë: „Populli grek nuk i ka borxh askujt. Krizën duhet ta paguajnë ata të cilët janë pasuruar duke e plaçkitur vendin vitet e kaluara. Ata, të cilët i kanë plaçkitur arkat e pensioneve e jo punëtorët, të papunët, rinia dhe ata që punojnë me mëditje. Ata tani po përballen me problemet e ekzistencës."

Incidentet me policinë dhe gazetarët

Në kuadër të demonstratave paqësore pati dhe të ashtuquajturit autonomë të cilët e kanë sulmuar policinë me gurë dhe i kanë vënë flakën disa veturave. Më së shumti incidente ka pasur para godinës së parlamentit. Të paktën një gazetar është lënduar dhe një veturë e televizionit është djegur. Policia ka përdorur dhunën dhe gazin lotësjellës për të shpërndarë demonstruesit. Por në përgjithësi numri i demonstruesve ishte më i vogël se sa kanë paralajmëruar organizatorët. Dhjetëra mijëra grekë shfrytëzuan fundjavën për të ikur nga vendi i trazirave dhe për të shkuar nëpër ujdhesat e afërme.

Autor: Steffen Wurzel

Redaktoi: Bahri Cani

  • Data 02.05.2010
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/NCVC
  • Data 02.05.2010
  • Shpërndajeni Dërgo Facebook google+
  • Shtypni Shtypeni faqen
  • Permalink http://p.dw.com/p/NCVC