1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Bota

“Çakalli” dënohet me burgim të përjetshëm

Një gjykatë franceze ka dënuar me burgim të përjetshëm terroristin e famshëm “Karlos Çakallin” për dy sulmet e kryera në fillim të viteve 80. Dy bashkëpunëtorët e tij janë dënuar në mungesë.

Terroristi Illich Ramirez Sanchez Carlos, i quajtur Çakalli

Terroristi Illich Ramirez Sanchez Carlos, i quajtur "Çakalli"

Terroristi venzuelian Ilich Ramirez Sanchez, i njohur si Karlos Çakalli, është dënuar me burgim të përjetshëm. Ai u shpall fajtor për dy sulmet me bomba të kryera në vitin 1982 dhe 1983 në Francë. Një gjykatë e posaçme penale në Paris i dha dënimin maksimal për katër sulmet vdekjeprurëse ku humbën jetën 11 vetë dhe u plagosën 100 të tjerë.

Fillimi i procesit gjyqësor në Paris.

Fillimi i procesit gjyqësor në Paris.

Ndërkohë Sanchez ka mohuar akuzat. Avokatja e tij Isabelle Coutant-Peyre e quajti verdiktin "një skandal" dhe deklaroi se do ta apelojë. 62 vjeçari është duke vuajtur një dënim me burgim të përjetshëm për vrasjen e tre qytetarëve francezë në vitin 1975. Në një fjalim pesëorësh në fund të gjykimit, Carlos akuzoi gjykatën për "propagandë kundër Carlos dhe çështjes palestineze". Ai mbylli fjalimin e tij duke bërtitur “Rroftë revolucioni”.

Avokatja franceze, Isabelle Coutant-Peyre

Avokatja franceze, Isabelle Coutant-Peyre

Bashkëpunëtorët e gjykuar në mungesë

Gjykata dënoi gjithashtu edhe dy të akuzuar në mungesë. Me burgim të përjetshëm u dënuan edhe gjermani Johannes Weinrich dhe palestinezi Ali Kamal al-Issawi.

Weinrich, krahu i djathë i Carlos, është duke vuajtur një dënim me burg në Gjermani, ndërkohë që al-Issawi ende është në kërkim. Karlos Çakalli mori famë në vitin 1975, kur ai dhe pesë persona të tjerë morën peng 70 persona në një takim të OPEC-ut në Vjenë. Tre persona, përfshirë një polic austriak, u vranë gjatë sulmit. Grupi kërkoi për të fluturuar drejt Algjerisë, ku u liruan shumica e pengjeve. Guerilast u dorëzuan tek autoritetet atje dhe u liruan disa ditë më vonë. Ramirez u arrestua në Sudan në vitin 1994 dhe u transferua në Francë, ku edhe do të vazhdojë të vuajë dënimin e tij.

Autor: Andreas Illmer / Amarildo Topi

Redaktoi: E. Xhani